MATÉUS 6:34 - Bahasa Manggarai New Testament

³⁴ Landing hitu néka simpung le méu latang te leso diang, ai diang manga agu susan. Susa ca leso remo latang te leso ca.”

MATÉUS 6:34 Referans Kwoze

MATÉUS 6:25

“Landing hitu Aku taé agu méu: Néka simpung latang te mosém, latang te hang ko inung, néka simpung laing kolé latang te wekim, latang apa te pakés. Toé weli mosé hitu céwé mésén, itu pong hang bara, agu weki céwé mésén, itu pong wéngko weki?

YOHANÉS 14:27

Hambor agu meler pedeng te méu Laku. Hambor agu meler Daku téing méu Laku, agu apa hitut téing Laku, toé ného hitut téing de Lino oné méu. Néka simpung agu néka rantang.

YOHANÉS 16:33

Sanggéd situ taé Laku agu méu, kudut méu delék hambor agu meler oné Aku. Oné lino ho’o méu cukung kélo-balém, maik mberes koé nais, Aku poli pandé kodan lino ho’o.”

LUKAS 11:3

Mosé dami leso-leso, téing koé ami leso ho’o,

MATÉUS 6:11

Téing koé ami leso ho’o, Mosé nai te ami ata daingn

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

MATÉUS 6:27

Céing weli oné mai méun ata soho kaut le simpungn ngancéng tambang cepagat mosén?

LUKAS 10:41

Maik walé de Mori Yésus: “Marta, Marta, hau simpung agu pandé kélo weki rum le dod raja,

LUKAS 12:11

Émé manga ata buang méu oné Adak Agama, ko sanggéd adak ata perénta laing agu oné isét cau kuasa, néka simpung laing le méu co’o kétam, agu apa kétag le méu curupn te riwok wekis.

LUKAS 12:22

Mori Yésus taé agu sanggéd ata nungkun: “Landing hitu, Aku taé agu méu: Néka simpung laing mosés, te apa kétag kudut hangs, agu néka kolé simpung latang te wekis, te apa kétag kudut pakés.

PILIPI 4:6

Méu weli ga, néka simpungm latang té apa kaut. Maik, tombo taung sanggéd ngoéngs oné Mori Keraéng du ngaji agu du téing wali di’a.

1 PETRUS 5:7

Condo taung simpungs oné Hia, ai Hia tinu méuy.