MATÉUS 6:13 - Bahasa Manggarai New Testament

¹³ néka dadé ami nggeroné damang, Maik tadang koé sanggéd da’at. [Ai Ité Morin perénta agu kuasa agu bong dengkir lén. Amén.]

MATÉUS 6:13 Referans Kwoze

1 KORINTUS 10:13

Sanggéd damang situt poli manté de méu poli mantéd kolé lata do. Ai Mori Keraéng junggu kin, agu ali hitu Hia toé ondang méu te damang be pé’ang oné-mai mberes de méu. Du hena le damangs méu, Hia kudut téi anor méu, wiga méu ngancéng tanggongn damang hitu.

YOHANÉS 17:15

Toé tegi Laku, kudut Ité toé emi isé oné mai linod, maik kudut Ité képé isé oné mai situt da’atd.

MATÉUS 26:41

Ambi-ambi agu ngaji koém, rantang pa’u oné damangm: ai bo kali nais sundurn, landing weki les-lémbek.”

WIDANG SI’ANG ONÉ HI YOHANÉS 19:1

Poli hitu dengé laku raos kéta reweng de lawa do éta Surga, “Aleluya! Selamak, mengit agu kuasa manga oné Mori Keraéng dité.

2 TÉSALONIKA 3:3

Maik Mori hitu, junggu. Hia te pandé mberes nai de méu agu sémbéng méu oné-mai manusia da’at.

MATÉUS 6:10

Cai koé perénta Dité, Jari koé ngoéng Dité Oné lino ného éta Surga.

2 PÉTRUS 2:9

Jari, Mori Keraéng pecing te cépé sanggéd ata nggeluk oné-mai damang agu na’a sanggéd ata da’at kudut wahéngs du leso beté-bicar.

TÉSALONIKA 1:10

Tombo kolé lisé, co’o méu bengkes te cai Anak de Mori Keraéng éta-mai Surga, ngong Mori Yésus hitut poli pandé to’o kolén le Moti Keraéng oné-mai mata. Mori Yésus hitu dé ata pandé selamak ité tai oné-mai rabo de Mori Keraéng.

WIDANG SI’ANG ONÉ HI YOHANÉS 21:4

Hia te koso lu’u disé, agu toég manga kolé mata, walu, jéjéng ko ngawa-ngaés, ai sanggéd taung situt manga, polis morad ga.”

WIDANG SI’ANG ONÉ HI YOHANÉS 3:10

Méu poli lorong curup Daku kudut gepek te géréng Aku. Wiga ali hitu, Aku kolé te sémbéng méu oné cekeng susa hitut kudut hena temu tana lino. Cekeng susa hitu te damang sanggén ata oné lino.

1 YOHANÉS 3:8

Céing ata pandé ndékok kin, ata hitu mai oné-mai jing da’atn, ai pu’ung du wangkan muing jing da’at ruda olo kétay pandé ndékokn. Latang te hitu dé tara cain Anak de Mori Keraéng, kudut pandé ampus taungs sanggéd gori de jing da’at.

1 PETRUS 5:8

Doing agu jerék koém! Ai jing da’at hitut bali de méu, cama ného acu rani ata lolo kin te cekel méu.

GALATIA 1:4

Kudut lorong ngoéng de Mori Keraéng Ema dité, Hi Kristus poli téing wekin landing sanggéd ndékok dité, kudut céla ité uwa te ho’on oné-mai sanggéd ata da’atd.

2 KORINTUS 1:20

Ai hi Kristus hitu ngong walé “éng” de Mori Keraéng latang te sanggéd reké’N. Landing le Kristus hitu, itu tara mangan taé “Amén” lité te bong Mori Keraéng.

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.

WIDANG SI’ANG ONÉ HI YOHANÉS 1:18

Aku dé Hia hitut Mosé. Aku poli matag, maik lélo ga, Aku mosék dengkir lén. Aku ata cau kuasa latang te mata agu kuasa latang te lino data mata.

MATÉUS 5:37

Ngetuk kautm, paci éng, ngéngur kautm paci toé. Émé labi nitu main de jing da’at morin hitu.

1 KORINTUS 14:16

Ai émé hau wali di’a ali nai rum kanang, co’o ata iwod situt manga rangad ngancéng taé “amén”, latang te wali di’am hitu? Toé weli isé toé pecing apa hitut curup de hau?

MATÉUS 28:20

agu toing koé isé te pandé sanggéd apa ata poli jera Laku agu méu. Agu paka idep di’a le méu, Aku loréng méu mtaungk dengkir cemoln lino.”

WIDANG SI’ANG ONÉ HI YOHANÉS 19:4

Suampulupat tu’a agu pat kaka situ, io agu suju Mori Keraéng hitut lonto bétan kedéra hitu, mai taéd, “Amén, Aleluya.”

WIDANG SI’ANG ONÉ HI YOHANÉS 5:13

Itug kali dengé laku déré de sanggéd lawa Surga agu oné lino, bewa-mai lino, agu sanggéd taung situt manga bonén tacik, “Latang te Hia hitut lonto éta seriga agu latang te Anak Jimbal hitu, sanggéd naring, hiang, mengit agu kuasa dengkir lén!”

WIDANG SI’ANG ONÉ HI YOHANÉS 3:14

“Tulis koé latang te malékat de weki serani oné Laodikia: Ho’oy pedé oné-mai hi Amin, Saka-si hitut junggu agu molor, pu’ud sanggéd dédék de Mori Keraéng.

IBRANI 11:36

Ata iwod kolé tiba loér, tiba luca, pangkot le ranté agu na’a oné buis.

2 TIMOTÉUS 1:17

Nahé sanggén taung ata, hiang agu bong Mori Keraéng hitut tédéng lén, ata toé ita le matay agu ata léca’y. Hia de Raja ata perénta tédéng lén! Amén.