MATÉUS 6:10 - Bahasa Manggarai New Testament

¹⁰ Cai koé perénta Dité, Jari koé ngoéng Dité Oné lino ného éta Surga.

MATÉUS 6:10 Referans Kwoze

IBRANI 10:36

Méu paka gepek, kudut méu ngancéng lorong wintuk de Mori Keraéng, wiga méu tiba apa ata poli reké Diha.

YOHANÉS 4:34

Mai taé de Mori Yésus ngong isé: “Hang Daku ngong émé pandés Laku ngoéng Diha hitut wuat Aku, agu pandé polis gori'N situ.

MATÉUS 26:42

Itu kali ngo té sua ngkalin agu ngaji, mai taén: “Yo Ema Daku, émé toé ngancéng hésingn piala ho’o, aikn émé te inung kéta Lakuy, nia kaut ngoéng Dité.”

MATÉUS 12:50

Ai céing kaut ata pandé lut ngoéng de Ema Daku hitut éta Surga, hia asé ka’é Daku ata rona, hia wetag, agu hia endé Daku.”

TÉSALONIKA 5:18

Wali di’a oné sanggén cao-ca ai hitu ata ngoéng de Mori Keraéng, oné hi Kristus Yésus latang te méu.

ROMA 12:2

Méu néka lorong wintuk de lino ho’om, maik caling koé ali pandé weru wintuks, wiga méu ngancéng baé ngoéng de Mori Keraéng: Apa ata di’an, ata henan agu ata besikn oné Hia.

YOHANÉS 6:40

Ai ho’oy ngoéng de Ema Daku; kudut sanggéd taung ata siot poli ita Anak agu imbi Hias, ita mosé tédéng lén agu porong Aku pandé to’o isé du cemol lino.”

KOLOSÉ 1:9

Landing hitu, pu’ung kaut du dengén lami, ami toé manga beténg ami ngaji latang te méu. Tegi lami te Nai Nggeluk widang méu ali sanggéd nggalas agu baé-paéln latang te pecing ngoéng de Mori Keraéng.

ÉFÉSUS 6:6

Pandé de méu hitu néka hanang bolo-mai ranga disé kanang, kudut te nisang nai agu te tiba naring de sengajis oné lino ho’o. Maik poro gori de méu hitu ného mendi di Kristus ata nggalas nai pandé sanggéd ngoéng de Mori Keraéng.

MATÉUS 7:21

Toét sanggéd ata so’ot nggo’o taéd ngong Aku: Mori, Mori, te ngo nggeroné mbaru Surgas, maik hia hiot lut ngoéng de Ema Daku éta Surga.

1 PETRUS 2:15

Ai ho’oy ngoéng de Mori Keraéng: Ali pandé di’a, méu tadu mu’u data bodok.

IBRANI 13:21

Nahé Mori Keraéng pandé jemut méu ali sanggéd ata di’an ata sékékn, te méu kudut lorong ngoéng Diha, lut hi Yésus Kristus. Latang te Hia dé, mengit tédéng lén! Amén.

MATÉUS 3:2

“Tesérm ga, ai adak Surga ruis gi!”

LUKAS 22:42

“Yo Ema, émét ngoéngd Ité, emiy piala séang ho’o oné mai Akun; maik bom laing ngoéng Dakun, ngoéng Ditép kali hitut jariy.”

YOHANÉS 7:17

Céing kaut ata lut ngoéng Diha, ata hitu ngancéng pecing, ot toing Daku so’o oné mai Mori Keraéngd ko oné mai weki Rug.

WIDANG SI’ANG ONÉ HI YOHANÉS 19:6

Poli hitu dengé laku raos de lawa do, cama ného ngorong de waé mbang agu mpirang de genggus mésé, “Aleluya! Ai Mori Keraéng dité, Ata Pu’un kuasa polig ciri Rajan.

TÉSALONIKA 4:3

Ai ho’oy ngoéng de Mori Keraéng: méu paka mosé nggeluk agu tadang koém oné-mai pandé nelung.

TOMBO PÉTÉ GORI DE RASUL-RASUL 21:14

Ai hia toé lorong te tiba toing dami, ndong kaut lami nanang diha, maik bengkes dami, “Jari koéy ngoéng de Mori Keraéng!”

TOMBO PÉTÉ GORI DE RASUL-RASUL 13:22

Du poli hi Saul, Mori Keraéng téti hi Daud ciri raja disé. Latang te hi Daud, Mori Keraéng poli téi saka-si: “Aku poli dumpu hi Daud anak di Isai, cengata ata henan oné nai Daku agu ata pandé sanggéd ngoéng Daku!”

MATÉUS 4:17

Pu’ung du hitu wéwa le Mori Yésus: “Teserm ga, ai Adak de Surga ruis gi!”

WIDANG SI’ANG ONÉ HI YOHANÉS 12:10

Itu kali dengén laku reweng ata télés kétay éta-mai Surga, “Ho’og cain selamak de Mori Keraéng latangt ro’éngN! Ho’og toton kuasa de Mori Keraéng Raja dité, agu kuasa di Kristus hitut poli rekéN. Ai Jing da’at, hia hitut wié-leson mboték asé-ka’é ca imbi dité bolo-mai ranga de Mori Keraéng, polig wurd oné-mai osang Surga.

1 PETRUS 4:2

Landing hitu, mosé de méu nggere-olon oné lino ho’o paka lorong ngoéng de Mori Keraéng.

IBRANI 10:7

Itu kali mai taé Daku: “Ho’ok Aku caig Yo Mori, te pandé lorong ngoéng Dité, ného ata poli tulis latang te Aku oné Surak Nggeluk.”

LUKAS 19:38

Mai taé disé: “Naring kéta Hia hitut mai mana Rajay, le ngasang de Mori Keraéng, hambor libur éta Surga, agu bong éta osang ata langkas kéta.”

MARKUS 3:35

Céing-céing ata pandé lorong ngoéng de Mori Keraéng, isé situ asé ka’ég, isé situ wetag, isé situ endé Daku.”

MATÉUS 16:28

Aku taé agu méu: Moron, oné mai méu ata manga cé’é ho’o, manga ata toé di matay émé toéd ita lisé main Anak Manusia neho raja oné baté peréntan.”

MARKUS 11:10

poro berkak koé Adak ata cai ho’o, Adak de empo dité hi Daud, hosana oné osang langkas!”

WIDANG SI’ANG ONÉ HI YOHANÉS 11:15

Du tebangn terompét le malékat hitut te pitun, dengé reweng ata raos kéta oné Surga, “Kuasa te perénta lino, oné limé de Mori dité agu oné limé Diha hitut poli palasN. Hia dé Raja te perénta tédéng lén.”

WIDANG SI’ANG ONÉ HI YOHANÉS 20:4

Itug kali itan laku dod seriga agu penong atat lonto bétan. Isé situ tiba kuasa latang te beté-bicar. Ita kolé laku sanggéd wakar disét poli poka bokakd ali téing saka-si latang te Mori Yésus, agu landing ba keréba de Mori Keraéng. Isé so’o danong toé suju kaka hitu agu patungn, agu toé kolé tiba palas oné sa’i galad agu oné limé wanangn. Isé te mosé kolés agu perénta ného rajas cama laing agu hi Kristus tédéng ca sebu ntaung.

IBRANI 1:14

Sanggéd malékat situ ata keturu de Mori Keraéng éta Surga, agu ata wuat Liha te campé sanggéd ata te tiba mbaté selamaks.

KOLOSÉ 1:13

Hia poli ledo ité oné-mai kuasa de nendep agu hésing ité nggere-oné Adak de Anak Diha hitut momang.

LUKAS 19:11

Latang te isét séngét Hia nitu, Mori Yésus ruda olon curupN ba le rapangy, ai Hia ruis gi agu Yérusalém, agu nuk disé te Adak de Mori Keraéng kudut karok itan.

TOMBO PÉTÉ GORI DE RASUL-RASUL 22:14

Itu kali mai taen: Mori Keraéng empo dité poli wérét hau kudut pecing ngoéng Diha, kudut lélo Ata Molor agu kudut séngét reweng ata pé’ang oné mai mu’u Diha.