MATÉUS 5:3 - Bahasa Manggarai New Testament

³ “Mosé di’a kéta ata lénggé oné ranga de Mori Keraéng, ai disé morin Adak Surga.

MATÉUS 5:3 Referans Kwoze

LUKAS 18:14

Aku taé agu méu: Ata ho’o kolé mbarun ného ata hiot molor laing le Mori Keraéng, agu ata hitut cebana toé. Ai céing ata éta pengémpang le run, hia te rendaky, agu céingy ata nggere-wa le run, hia te téti éta pengémpangy.”

JAMES 2:5

Séngét koém, asé-ka’é ata momang laku! Mori Keraéng pilé ata siot rékéng lénggé le lino ho’o kudut ciri bora oné imbi. Isé kolé ciri ata tiba mbaté de Adak Surga ata poli rekén Liha latang sanggéd ata siot momang Hia.

LUKAS 11:28

Maik mai taé Diha: “Ata mosé di’a, isét situt séngét curup de Mori Keraéng, agu tinus néngd.”

MATÉUS 11:25

Du hitu curup le Mori Yésus: “Aku wali di’a agu Ité Ema, Mori de awang agu tana, ai sanggéd situ, cehas Lité latang te isét nggalas agu isét nggepuk, maik tois Lité oné isét panga-wa.

LUKAS 4:18

“Nai de Mori Keraéng manga oné Akuy, ali Hia palas Akuy, kudut caing keréba di’a oné ata lénggé; agu Hia poli wuat Akun

MARKUS 10:14

Du ita hitu le Mori Yésus, rabo kolé Hia agu mai taén agu isé: “Ondangs anak koé situ mai cé’é Akud, néka cakas isé, ai ata cama ného anak koé so’o kali paéngn Adak de Mori Keraéng.

MATÉUS 13:16

Maik komén kéta mata de méu, ai ita agu tilus ai dengé.

JAMES 1:12

Mosé di’a isét ta’ong oné damang. Ai émé hia meku kéta nain, hia te tiba lahén, ngong mosé hitut poli reké de Mori Keraéng oné sanggéd ata situt momang Hia.

YOHANÉS 20:29

Mai taé de Mori Yésus agu hia: “Landing le poli ita Akum, tara imbim hau. Mosé di’a isét toé ita, maik imbis.”

MATÉUS 24:46

Mosé di’a mendi ata repéng le morin rémé gorin, du cain morin hitu.

JAMES 1:10

Weki serani ata bora poro cembes kolé nain émé pandé wa’u way mosén le Mori Keraéng, ai ata bora te moray ného wéla remang.

WIDANG SI’ANG ONÉ HI YOHANÉS 22:14

Mosé di’a isét wewas jubad, ai isé patun te hang sanggéd wua haju situt téing mosé agu ocok lut sanggéd lewang nggere-oné béndar hitu.

WIDANG SI’ANG ONÉ HI YOHANÉS 19:9

Itu kali malékat hitu jera aku, “Tulis ga: Mosé di’a isét siro te hang cama oné ramé kawing de Anak Jimbal.” Mai kolé taén, “Ho’oy keréba ata molorn tu’ung, ai oné-mai weki Run Mori Keraéng.”

MATÉUS 25:34

Agu mai curup de raja hitu agu isét oné racap wanang: Mai méu, oé ata berkak le Ema Daku, tiba ga osang ata poli ambin te méu; pu’ung mangan lino ho’o!”

MATÉUS 11:6

Agu mosé di’a hiat toé doét Akuy.”

MATÉUS 8:11

Aku taé agu méu: Dod ata te mai awo mai agu salé mai agu lonto hang cama-cama agu hi Abraham, hi Ishak agu hi Yakub oné Surga.

MATÉUS 3:2

“Tesérm ga, ai adak Surga ruis gi!”

MATÉUS 19:14

Maik mai taé de Mori Yésus: “Ondangs anak koé situ, néka cakas te mai nggere-cé’é Aku; ai ata ného isé situ dé morin Adak Surga.”

LUKAS 22:29

Agu Aku ata tabing hak Adak latang te méu, cama ného Ema Daku tabing latang te Aku.

LUKAS 22:30

Landing hitu méu kudut hang agu inung ca méja agu Akum oné Adak Daku, agu méu kudut lonto lobo seriga latang te beté-bicar de panga campulu sua wa’u Israél.

WIDANG SI’ANG ONÉ HI YOHANÉS 3:17

Ai taé de méu: Ami boragm agu toé manga géong’gm. Maik toé pecing le méu te méu do géongs, agu hindi-haés mosés, lénggé, buta agu lacom.