MATÉUS 5:19 - Bahasa Manggarai New Testament

¹⁹ Landing hitu céing ata pandé mora Adak Taurat koném can agu ata dai koén, agu nenggitu koléy toing liha agu ata bana, hia hitu lonto comong wa kétay oné osang Surga. Maik céing ata pandés agu toing sanggéd Adak Taurat hia hitu te lonto comong étay oné Surga.

MATÉUS 5:19 Referans Kwoze

MATÉUS 28:20

agu toing koé isé te pandé sanggéd apa ata poli jera Laku agu méu. Agu paka idep di’a le méu, Aku loréng méu mtaungk dengkir cemoln lino.”

MATÉUS 11:11

Aku taé agu méu: Moro matan, oné mai isét loas le inéwai, toé dé’it manga tuan cengatan ata céwé mése oné mai hi Yobanés te Cebong; landing hiat merik-kejik oné osang Surga, céwé méséd oné mai hia.

TITUS 3:8

Curup daku ho’o molord taung, agu ngoéng daku kudut hau paka mberes kéta téing si’ang, wiga isét poli imbi oné Mori Keraéng, tu’ung-tu’ung kéta seber te pandé gori situt di’ad. Hituy ata di’an agu manga betuan latangt manusia.

WIDANG SI’ANG ONÉ HI YOHANÉS 2:20

Maik Aku mbéis méu, ai méu ondang kaut hi Izébél, iné-wai hiot caro weki run nabi te pandé wéléng sanggéd mendi Daku, wiga pandé loma agu hang de takung io pina-naéng.

ROMA 6:15

Co’o weli ga? Ngancéngt ité pandé ndékok, ai ité toé be-wa mai wintuk Taurat, maik be-wa mai tabing? Toé kolé nggitu!

2 TIMOTÉUS 6:11

Maik hau, oé manusia de Mori Keraéng! Oké koé sanggéd taung situ, dolong kali agil, ngaji, junggu, momang, lembak agu lumu nai.

ROMA 6:1

Émé nggitu, apa ata kudut curup lité? Ngancéng ité seber pandé ndékok, kudut tambang don tabing hitu?

1 PETRUS 5:4

Émé caiy Ata Lami Mésé, ngong hi Yésus Kristus, méu te tiba songkok néra ata toé manga cemol mengitn.

LUKAS 11:42

Maik copél da’at méu, oé ata Parisi, ai méu bo woko lia, nggurus agu uté situt cepujut bajars, maik kebangs le méu agil agu momang latang te Mori Keraéng. Hitu ca paka pandéy, agu hitut cebana néka kebangy.

MATÉUS 19:28

Mai taé de Mori Yésus agu isé: “Aku taé agu méu, moro matan, du leso dédékn kolé, du Anak Manusia lonto lobo seriga mésén, méu so’ot poli lut Akus, te lonto kolé lobo campulusua seriga latang te beté-bicar disét panga campulusua data Israél.

ROMA 3:8

Co’o tara toé nggo’on taé dité, “Mait ga ité pandé da’at kudut tua ata di’ad?” Bo tu’ung manga loér data ata curup te ité taé nenggitu. Ata nenggitu patun te tiba wahéng.

TOMBO PÉTÉ GORI DE RASUL-RASUL 1:1

Keraéng Téofilus ata momang laku. Oné buku daku hitut laring cain, poli tulis taungd laku situt pandé agu toing de Mori Yésus,

LUKAS 9:48

agu mai taéN ngong isé: “Céing kaut ata tiba anak koé ho’o le ngasang Daku, hia tiba Akuy; agu céing ata tiba Akun, ata hitu tiba Hia hitut wuat Akuy. Ai ata koé-kojékn oné mai sanggés méu, hia hituy ata céwé mésén.”

LUKAS 1:15

Ai hia te moséy oné ranga de Morin agu hia toé kéta inung anggor ko tuak rani agu hia penong le Nai Nggeluky, pu’ung oné mai tuka de endén;

MATÉUS 20:26

Toé de nenggitu oné mai méu. Céing ata ngoéng te ciri ata mésé oné mai méu, hia paka ciri ata keturu laing méuy,

1 YOHANÉS 3:4

Céing ata pandé ndékok, hia lagé perénta de Mori Keraéng, ai ndékok hitu ngong lagé perénta de Mori Keraéng.