MATÉUS 28:2 - Bahasa Manggarai New Testament

² Itu wan cai nupung mésé, ai cengata malékat de Mori wa’u éta mai awangn agu dur watu hituy agu nggoléngy liha, poli hitu lonto bétan.

MATÉUS 28:2 Referans Kwoze

TOMBO PÉTÉ GORI DE RASUL-RASUL 16:26

Rodo cain nupung mésé wiga watu ligéng bui hitu gégoy, agu du hitu muing céngka taungs para bui agu kedok taungs lampang disé.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

YOHANÉS 20:1

Du leso laring cain minggu hitu le gula ucap du nili-nelak kin tana hi Maria Magdaléna, ngo lé boa de Mori Yésus, agu ita liha watu tadu boa polig na’a pé’angn oné mai boan.

WIDANG SI’ANG ONÉ HI YOHANÉS 11:19

Itug kali céngkan Mbaru Nggeluk de Mori Keraéng éta Surga agu itay Peti Reké oné Mbaru Nggeluk hitu. Og wili-welokn pasat agu mpirang genggus, nupung mésé agu usang bua.

1 PETRUS 1:12

Latang te nabi situ poli si’ang le Mori Keraéng, te isé toé gori keturu latang te weki rud, maik gori keturu latang te méu; ngong sanggéd cao-ca ata poli si’ang dengéd le méu oné-mai ata ba Keréba Di’a. Sanggéd ata situt ba Keréba Di’a, téing kuasa le Nai Nggeluk hitut wuat éta-mai Surga. Ngot sanggéd malékat kolé nanang te pecing Keréba Di’a hitut wéro disé.

MATÉUS 27:60

agu loling liha oné boa weru, ata poli cakén oné golo watu. Agu du poli nggolingn liha ca watu mésé oné para boa hitu, itug kali kolén.

MATÉUS 27:66

Os kali ngod isé agu le campé disé situt lamin, cap lisé boa hitu agu lamiy.

TOMBO PÉTÉ GORI DE RASUL-RASUL 5:19

Maik le wié, cengata malékat de Mori Keraéng wuka taungs para bui hitu agu dadé isé nggere-pé’ang agu mai taén: