MATÉUS 28:10 - Bahasa Manggarai New Testament

¹⁰ Mai taé de Mori Yésus ngong isé: “Néka rantang. Ngom ga, agu tombo oné asé-ka’é Daku, kudut isé ngo oné Galiléas, agu nitus isé te tiba Akus.”

MATÉUS 28:10 Referans Kwoze

ROMA 8:29

Ai sanggéd ata pilé Diha, poli petokd Liha du wangkan, kudut ciri ného tara de Anak Diha. Ali hitu, Anakn hitu te ciri ata ngaso oné mai sanggéd asé-ka’én.

YOHANÉS 20:17

Mai taé de Mori Yésus ngong hia: “Néka cau Aku, ai Aku toé di ngo éta hi Emag, maik ngo oné taung asé-ka’é Daku, agu tura oné isé te ho’on Aku te ngo éta Emag agu Ema de méu; éta Mori Keraéng Daku agu Mori Keraéng de méu.”

MATÉUS 28:7

Agu gélang koé ngos te tombo agu rasul-rasul te Hia polig to’on oné mai ata mata. Cai olo Hia po méu lé Galiléa; nitu méu te itan Hia. Tadan, polig dé taén Laku agu méu.”

MARKUS 16:7

Maik ngom kali ga, tombo taung agu ata nungku Diha agu hi Pétrus: ‘Hia pado olo kin nggere oné Galiléa itu po méu; nitu di kudut ita si’ang Hia le méu, cama ného apa ata poli tombo Diha agu méu.’ ”

MATÉUS 28:5

Maik malékat hitu taé agu inéwai situ: “Néka rantang méu; ai baé laku méu, kawé Mori Yésus, hiot wéo oné panggol.

MATÉUS 14:27

Maik gélang-gélang Mori Yésus taé agu isé: “Néka simpung! Aku ho’o, néka rantang!”

YOHANÉS 6:20

Maik mai taé Diha ngong isé: “Aku ho’o, néka rantang!”

MATÉUS 25:45

Itu kali Hia te walé iséy: Aku taé agu méu; moro matan, sanggéd kaut ata toé pandé le méu latang te cengatan oné mai isét lengki da’at so’o, méu toé pandé kolé latang te Aku.

MATÉUS 25:40

Agu mai walé de Raja hitu agu isé: Moro matan, Aku taé agu méu, sanggéd kaut ata pandé le méu latang te cengatan oné mai asé ka’é Daku so’ot lengki da’at, méu poli pandé latang te Akus.

MATÉUS 26:32

Landing poli to’og Aku, te olo Aku méu lau Galiléa.”

MATÉUS 28:9

Calak doing, Mori Yésus cumang dungka agu isé mai taén: “Tabé latang te méu.” Isé ngo ruis Hia agu nggao wa’in agu suju Hias.

MATÉUS 28:16

Og ngod rasul situ campulu ca oné Galiléas, oné golo hiot poli toi le Mori Yésus agu isé.