MATÉUS 27:4 - Bahasa Manggarai New Testament

⁴ agu mai taén: “Aku poli pandé ndékok ai téing dara data toé manga salan.” Landing mai walé disé: “Apay nipu dami hitu? Papong rum hau hitu!”

MATÉUS 27:4 Referans Kwoze

1 YOHANÉS 3:12

Néka ného hi Kain hitut kuasa le jing da’at te mbelé hi Abel asén run. Co’o tara mbelén liha? Ai da’atd sanggéd pandé diha agu molord pandé de asén hitu.

1 PETRUS 1:19

Mori Keraéng sambé méu ali dara ata wegit kétay, ngong dara di Kristus ata cama ného dara de anak jimbal hitut toé manga maja agu celan.

IBRANI 7:26

Ai Imam Mésé nenggitu ata sékék laingn lité: ata nggeluk, toé manga salan, toé manga saki-nai, bécang oné-mai ata ndékokn, agu céwé mengit oné-mai sanggéd lawa Surga.

TITUS 1:16

Bo tombod pecing Mori Keraéngs, maik oné-mai pandéd, pali Mori Keraéngs. Isé gutekd, toé lorong agu toé kopd te pandé cao-ca ata di’an.

2 TIMOTÉUS 4:2

Ici naid de guru tangke situ penong ali nggopét, ai poli tapa le beci kolang te wetik wekid, wiga toe gancéng woléngn lisé nia ata di’an agu nia ata da’atn.

ROMA 3:19

Maik baé lité te sanggéd cao-ca ata poli tulis oné Surak Taurat, latang te ata siot mosé lorong wintuk Taurat, kudut tadu néténg mu’u, wiga temu tana lino be-wa mai beté-bicar de Mori Keraéng.

TOMBO PÉTÉ GORI DE RASUL-RASUL 13:28

Koném po toé dumpu lisé can kaut raja kudut mangan Wintuk mata hitu, maik isé poli tegi agu hi Pilatus kudut mbelé Hia.

YOHANÉS 19:7

Mai walé data Yahudi situ agu hia: “Ami manga rukugm, lorong rukugm hitu, Hia paka matay, ai Hia taé le Run, Anak de Mori Keraéngy.”

LUKAS 23:47

Lété kepala de serdadu ita apa situt jari, hia bong Mori Keraéngy, taén: “Tu’ung kéta ata ho’o, ata molory!”

LUKAS 23:41

Bo koé tité, kopd muing te wahéngt, ai ité tiba wahéng lorong agu pandéd; maik ata ho’o, toé manga pandé can koé sala.”

LUKAS 23:22

Mai taé di Pilatus te telungkalin agu isé: “Apay pandé da’at data ho’o ata tu’ung? Lagit can koé sala ata ita lakun oné Hia, hitut ngancéng wahéng mata muingn.” Jari aku te wahéng Hia, poli hitu legoy.

MATÉUS 27:54

Kepala de serdadu agu sanggéd serdadu ata lami Mori Yésus, cirik rantang kéta taungs du ita lisé nupung agu sanggéd situt ata polid, itug kali mai taéd: “Tu’ung-tu’ung kéta, Hia ho’o Anak de Mori Keraéngy.”

MATÉUS 27:19

Du lari lonton hi Pilatus oné seriga beté-bicar, pedé le winan: “Néka oné hau bicar data molor hitu, ai landing Hia aku susa mésé du nipig oné wié.”

WIDANG SI’ANG ONÉ HI YOHANÉS 11:10

Isét ngai ka’éng oné lino cembes kéta naid, woko matas sua saka-si situ. Isé pandé ramé agu katu taud koso nolak, ai sua nabi situ poli ba do wahéng latang te sanggén ata oné lino.