MATÉUS 26:37 - Bahasa Manggarai New Testament

³⁷ Agu dadé Liha hi Pétrus agu sua taus anak di Zébédéus cama laing agu Hia. Og pu’ung nitu main Hia wéong agu simpung kéta naiN.

MATÉUS 26:37 Referans Kwoze

MATÉUS 4:21

Du kolén Mori Yésus nitu main, ita kolé Liha sua taus asé-ka’és hi Yakobus anak di Zébédéus agu hi Yohanés asén, agu emad hi Zébédéus rémé besik ndalad oné wangka, itus kali bénta le Mori Yésus.

MATÉUS 17:1

Enem leso wa ga, Mori Yésus dadé hi Pétrus, hi Yakobus agu asén hi Yohanés, agu cama laing agu iséy Hia ngo éta poco langkas. Nitu isé hanang koéd.

MARKUS 5:37

Itug kali Mori Yésus toé sendo cengatan ata lut, bo hi Pétrus, hi Yakobus agu hi Yohanés asé-kaé di Yakobus.

YOHANÉS 12:27

Te ho’on wakar Daku kenduty, agu co’o kéta Laku taén? Ema, mo’éng koé Aku oné mai leso ho’o? Toé, ai latang te hitu muingk Aku tara maig oné leso ho’o.

LUKAS 22:44

Hia rantang da’aty, agu danga-danga ngaji wa mai nain. NombérN ciri ného dara, nggirik kéta titikd wa tana.

MATÉUS 20:20

Itu kali maig endéd anak di Zébédéus cama agu anakn oné Mori Yésus, itu kali suju wa ranga Dihad te tegi cao-ca agu Hia.

MATÉUS 4:18

Agu du Mori Yésus rémé lakon loléng sano Galiléa itas Liha sua taus asé-ka’és hi Simon ata bénta hi Pétrus agu hi Andréas asén. Isé rémé oké ndalad oné sano, ai isé situ ata ndala ikangs.