MATÉUS 26:3 - Bahasa Manggarai New Testament

³ Du hitu neki ca taungs imam-imam kepala agu tu’ad ata Yahudi oné natas de Imam Mésé, ngasangn hi Kayafas,

MATÉUS 26:3 Referans Kwoze

YOHANÉS 18:24

Itug kali hi Hanas jera dadé Hia, agu pongo liu liméN nggere-oné ranga di Kayafas, Imam Mésé hitu.

MARKUS 14:54

Agu hi Pétrus lut kin déu main, dengkir cai oné natas de Imam Mésé, agu nitu hia lonto oné bahi-réha ata lami nitu cang agu pisu apis.

YOHANÉS 18:28

Itug kali dadén lisé Mori Yésus oné mai hi Kayafas nggere-oné mbaru de Gubernur. Du hitu gula kin tana. Weki rud isé toé ngo boné mbaru de Gubernur boto rinek wekid, ai isé kudut hang Paskas.

YOHANÉS 11:57

Rémé nggitun taung ata imam kepala agu ata Parisi poli téing perénta kudut néténg ata situt baén nia Hia mangan, tombo oné isé kudut isé ngancéng deko Hias.

LUKAS 3:2

du hi Anas agu hi Kaipas ciri Imam Mésé, cain curup de Mori Keraéng oné hi Yohanés, anak di Zakarias oné satar mambak.

MATÉUS 26:69

Rémé nggitun hi Pétrus lonto bepé’ang oné natas. Itu kali cain cengata mendi inéwai oné hia, mai taén: “Hau kolép ca ata cama laing mtaung agu Mori Yésus ata Galiléa hitu.”

MATÉUS 27:27

Poli hitu serdadu-serdadu di Pilatus todang Mori Yésus nggere-oné mbaru di Pilatus, itu kali bénta taung lawa rentum baling mai Mori Yésus.

MARKUS 14:66

Du hitu hi Pétrus wa natas kin. Itu kali mai cengata mendi inéwai de Imam Mésé,

MARKUS 15:16

Poli hitu sanggéd serdadu todang Mori Yésus nggere-oné mbaru dé adak, mbaru beté-bicar, agu bénta taung sanggéd serdadu impung nitus.

LUKAS 22:55

Oné beréha natasn mbaru hitu, keté api lata, isé lonto pisu-api léok main. Hi Pétrus kolé lonto cama agu iséy.