MATÉUS 24:48 - Bahasa Manggarai New Testament

⁴⁸ Landing émé mendin hitu ata da’at agu get oné nain:

MATÉUS 24:48 Referans Kwoze

MATÉUS 18:32

Raja hitu jera bénta ata hitu agu mai taén ngong hia: Oé mendi da’at, sanggéd raungm poli taungs laku kosud, ai hau tegi ba’éng dakuh.

LUKAS 12:45

Maik émé da’atn mendi hitu, agu mai taén oné nain: Mori daku toé tara maiy, itug kali hia wangka onggad mendi situt ata rona agu inéwai, hangy, inungy agu langu nia-nian;

TOMBO PÉTÉ GORI DE RASUL-RASUL 5:3

Maik taé li Pétrus: “Ananias, co’o tara kuasa le jing da’atn nai de hau, wiga hau nggopét agu Nai Nggeluk agu po’é iwod oné mai pika tanam hitu?

YOHANÉS 13:2

Du rémé recap disé hang camad, jing da’at poli saok nanéng oné nai di Yudas Iskariot anak di Simon kudut pika Hia.

MARKUS 7:21

ai situt oné mai, mai oné mai nai data, losa sanggéd nuk da’at, loma ata, tako, ala ata,

TOMBO PÉTÉ GORI DE RASUL-RASUL 8:22

Landing hitu, paka teser oné mai ndékokm ho’o, agu ngaji kamping Mori Keraéng, kudut ampong koé Liha nuk naim ho’o.

LUKAS 19:22

Mai taén ngong ata hitu: Oé mendi acu da’at, aku te beté bicar hauk lorong curup de rum. Kali poli pecingp le hau, aku ata gutek, hitut emi apa ata toé na’a dé’it laku, agu ako apa hitut toé dé’it weri laku.

MATÉUS 25:26

Maik walé de morin hitu: Oé, hau mendi da’at, ata ngondé, jari polig pecingn le hau, te aku ako oné osang hitut nia baté toé rédé laku, agu nongko oné osang nia baté toé weri laku?

MATÉUS 24:47

Aku taé agu méu: Moro matan, morin hitu te téti hia ciri ata lami sanggéd paéngn.

MATÉUS 24:49

Mori daku toé di maiy, wiga hia pu’ung ongga taung haé mendin, agu hang-inung cama-cama agu ata languy,