MATÉUS 24:45 - Bahasa Manggarai New Testament

⁴⁵ “Céing mendi ata tipek agu nggalas nai, ata téti le morin te sanggéd ata do latang te téing hang du leso hitu?

MATÉUS 24:45 Referans Kwoze

MATÉUS 25:21

Mai taé de morin ngong hia: Di’a tu’ung pandé de hau, oé mendi daku ata di’a, ata junggu, hau junggum oné wintuk koé, aku te téing hau cau taé ata mésén. Maih, ngo boné agu cama laing oné mosé di’a de morim.

MATÉUS 25:23

Maig taé de morin agu hia: Di’a tu’ung pandé de hau, oé mendi daku ata di’a agu junggu, hau junggum te cau perkara koé, aku kudut téing hau, cau perkara mésé. Maih, ngo cama laing oné mosé di’a de morim.

IBRANI 3:5

Tu’ung hi Musa junggu oné sanggéd gori keturu latang te mbaru de Mori Keraéng, te téing saka-si latang te keréba du leso nggere-olon.

2 TIMOTIUS 2:2

Apa ata poli dengé le hau oné-mai aku, olo-mai ranga data saka-si, imbi kaut situ oné sanggéd ata situt ngancéng imbis, ai isé situ kolé nggepukd te toing ata banas.

2 TIMOTÉUS 1:12

Aku wali di’a oné hi Kristus Mori dité. Hia poli tabing mberes oné aku, kudut gori keturu latang te Hia, ai Hia rékéng aku junggug agu patun te gori keturu ho’o.

WIDANG SI’ANG ONÉ HI YOHANÉS 2:13

Pecing Laku nia méu ka’éngs, ngong oné osang seriga de jing da’at. Méu junggu oné Aku, ngot metek kin imbis oné Aku, agu du uwa di Antipas saka-si Daku ata junggu oné Aku, ata mbelé bolo ranga de méu oné osang de jing da’at.

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

LUKAS 19:17

Mai taén ngong ata hitu: Di’a tu’ung pandém hitu, olé mendi ata di’a; hau tipek oné taé koé, ali hitu, tiba ga kuasa cau cepulu béndar.

MATÉUS 13:52

Poli hitu taé de Mori Yésus kolé agu isé: “Ali hitu néténg isét pecing Taurat siot tiba toing oné mai Adak Surga rapang cama ného Mori mbaru hiot ka’ur taungs ceca weru agu ceca mangan oné mai cao-can.”

MATÉUS 10:16

Lélo, Aku wuat méu cama ného jimbal ngo oné bahi-réha Srigala, landing hitu méu porong nggalas ného ular, tipek ného tekur jawam.

MATÉUS 25:2

Lima taus oné mai isé ata bapa agu lima taus ata nggalas.

MATÉUS 7:24

“Néténg-néténg atat dengé curup Daku so’o agu pandés, cama ného ata nggalas nai, hiot hesé mbarun lobo watu.

MATÉUS 24:46

Mosé di’a mendi ata repéng le morin rémé gorin, du cain morin hitu.