MATÉUS 24:30 - Bahasa Manggarai New Testament

³⁰ Du hitu te ita tanda de Anak Manusia éta awang agu sanggéd uku oné lino te jéjéngs agu te ita lisé Anak Manusia hitu mai lobo rewung éta awang déméng agu kuasa mésén agu angosn.

MATÉUS 24:30 Referans Kwoze

WIDANG SI’ANG ONÉ HI YOHANÉS 1:7

Lélo dé, Hia mai lobo rewungy, agu néténg mata te lélo Hia, nggitu kolé isét poli jelok Hia. Sanggéd wa’u oné lino te jéjéngs landing Hia. Yo, toé celan! Amén!

TOMBO PÉTÉ GORI DE RASUL-RASUL 1:11

agu mai taéd: “Oé ata Galiléa, co’o tara lélo nggere-éta awangs méu? Mori Yésus hitut héndéng nggere-éta Surga, legong méuy, te mai koléy, cama ného ita le méu Hia héndéng nggere-éta Surga.”

MATÉUS 26:64

Walé le Mori Yésus: “Hau polig taé le rum. Landing Aku taé agu hau, pu’ung ho’o ga méu te ita Anak Manusia lonto du racap wanang Dihat kuasa mésé, agu mai lobo rewung éta awangy.”

LUKAS 21:27

Duhitu ita lata Anak Manusia mai lobo rewungy déméng agu kuasan agu dirapn.

MATÉUS 24:3

Du lari lonton Mori Yésus éta golo Zaitun, mais ata nungku oné ranga Diha kudut te tombo hanang koéd agu Hia. Mai taéd: “Tombo koé agu ami du niag tai jarid apa situ, agu co’o tandan mai Dité agu tandan te cemol lino?

2 TÉSALONIKA 1:7

Agu latang te méu ata rémé ta’ong susa – nenggitu kolé latang te ami - Mori Keraéng te téing cembes oné méu du leso wa’un Mori Yésus éta-mai Surga agu toto wekin, cama laing agu sanggéd malékat situt manga kuasa méséd oné api hitut dila haok.

MARKUS 13:26

Du hitu te ita lata Anak manusia cai lobo rewungy déméng agu sanggéd kuasan agu néra mésén.

LUKAS 22:69

Wangka ho’o main Anak Manusia, poli lonto du racap wanang de Mori Keraéngn, ata pu’un kuasa.”

MARKUS 13:4

“Toi koé agu ami, du nia jarin tai agu apa kéta tandan émé sanggéd apa situ kudut cemol taungs.”

MATÉUS 24:37

“Ai cama ného apa du mosé di Nuh, nenggitu kolé néng tai du main Anak Manusia.

MATÉUS 24:39

agu isé toé baé cekoén latang te cao-ca, bebolon cain mbang mésé hitu te pandé ampus taung isé; nenggitu kolé néng tai du main Anak Manusia.

WIDANG SI’ANG ONÉ HI YOHANÉS 12:1

Poli hitu ita ca tanda mésé éta awang: Cengata iné-wai rédung laing mata lesoy, wulang wa wa’in agu éta sa’in tesong bali-bélo oné-mai campulusuad ntala.