MATÉUS 24:24 - Bahasa Manggarai New Testament

²⁴ Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

MATÉUS 24:24 Referans Kwoze

MARKUS 13:22

Ai te cais Mésias-Mésias Tangké agu nabi-nabi tangké, isé te pandé tanda agu tanda lenget kudut émé ngancéng, pandé copél ata poli lir.

MATÉUS 24:11

Do tuad nabi tangké situt pandé wéléng taung ata.

MATÉUS 7:15

“Jerék-jerék agu sanggéd nabi tangké, ata mai cé’é méu, biluk ného jimbals, kali cetu’ungn isé situ serigala da’ats.

MATÉUS 24:5

Ai dod ata te mai ba ngasang Dakus, agu mai taéd: Aku dé Mesias, wiga isé situ pandé wéléng ata do.

2 PÉTRUS 3:17

Méu asé-ka’én ata momang laku! Poli pecing le méu toing so’o bebolon. Landing hitu jerék koém, kudut méu néka wéléng nggere-oné salang data siot toé pecing adaks, agu pa’u oné-mai osang bate hesé cedeks.

WIDANG SI’ANG ONÉ HI YOHANÉS 19:20

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.

1 YOHANÉS 5:18

Pecing lité te néténg atat loas oné-mai Mori Keraéng toé ruda olo pandé ndékok, ai Anak de Mori Keraéng sémbéng hiay agu toé ngancéng cegotn le jing da’at.

2 TIMOTIUS 2:19

Maik ligéng ata tena le Mori Keraéng hitu mberesn agu ho’oy capn: “Pecing le Morin céing ata ciri paéng Diha,” agu “Néténg ata siot caro ngasang de Mori poro oké koés pandé da’atn.”

YOHANÉS 6:39

Agu ho’o kétay ngoéng Dihat wuat Aku, poro sanggéd taung ata poli téingd Liha latang te Aku, néka manga ata morad, maik pandé to’os Laku du cemol lino.

YOHANÉS 6:37

Sanggéd taung ata situt téing li Emag oné Aku, te mai oné Akus, agu céing situt mai cé’é Akus, hia toé okéy Laku.

1 PETRUS 1:5

Ai méu imbi oné Mori Keraéng, itu tara tinus méu Liha le mberes kuasaN dengkir agu si’angn selamak hitu du leso cemol tai.

GALATIA 4:15

Léng tu’ung cembesn nai de méu du hitu! Maik te ho’on ga, niag cembes nai de méu hitu? Aku ngancéng téing saka-si latang te méu, émé du hitu méu sendo te nggé’i matas agu ngancéng pandé te téing oné akus.

ROMA 12:18

Sanggés méu poro mosé hambor agu sanggén ata!

TOMBO PÉTÉ GORI DE RASUL-RASUL 20:16

Hi Paulus poli wérét kudut toé cénggo oné Éfésus, kudut néka mora leson oné tana Asia kanang. Ai hia lari hidi-hadan, kudut émé ngancéng, hia poli mangan oné Yérusalém du leso ramé Péntékostén.

MATÉUS 22:14

Ai dod ata béntad, maik cekoés kali ata piléd.”

MATÉUS 24:22

Agu émé toé pandé wokoky cekengn, oné mai sanggéd apa kaut so’ot moséd, toé kéta manga retangd; landing le manga isét poli lird cekeng hitu te pandé wokok kauty.

MATÉUS 24:25

Nuk di’a-di’a, Aku poli tombo muingn agu méu.

MATÉUS 24:31

Agu hia te jera pé’ang taungs malékat-malékat kudut tebang terompét ata maor kéta runingn, agu isé te nekek taungs ata poli lird oné mai pat lok de lino, oné mai binting awang ca, haéng binting awang bana.

LUKAS 18:7

Toé weli Mori Keraéng te pandé molors ata situt pilén, situt wié lesod kepok oné Hiad? Manga weli lé-lén Liha leso be bolon campé isé?

YOHANÉS 4:48

Mai taé de Mori Yésus agu hia: “Émé toé di ita le méu tanda agu tanda lengét, toé di imbi le méu.”

1 YOHANÉS 2:18

Sanggéd anak daku! Ho’o gi cekeng turung cemol. Polig dengén le méu Danong, ata lawang hi Kristus kudut mais ga. Te ho’on ga do kétas tuad ata te lawang hi Kristus. Hituy dé tandan, ruis te cai gi cekeng turung cemol.

1 YOHANÉS 2:22

Céing weli ata nggopét hitu? Ngong hia hitut poli wéwa te Mori Yésus toé Mésiasy. Hia dé ata bali di Kristus: hia pali hi Ema agu hi Anak.