MATÉUS 24:14 - Bahasa Manggarai New Testament

¹⁴ Agu keréba di’a de Adak ho’o kudut te keréba oné temu tana linoy kudut sabin latang te sanggén uku, poli hitu itu pong caiy cemol.”

MATÉUS 24:14 Referans Kwoze

WIDANG SI’ANG ONÉ HI YOHANÉS 14:6

Itug kali itan laku cengata malékat bana lélap éta awangy. Malékat hitu wéwa Keréba Di’a tédéng lén latangt sanggén ata oné lino, ngong te sanggén wa’u, uku, tana agu curup.

ROMA 10:18

Maik aku réi méu: Asa, toé dengé lisé ko? Toét-toé poli dengén lisé, “Reweng data ba keréba wéron temu tana lino, curup disé cai haéng comongn lino.”

LUKAS 24:47

agu manga kolé tulis: le ngasang Diha, keréba latang te teser, agu ampong ndékok, paka caing oné sanggén ata, pu’ung oné mai Yérusalém.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

MATÉUS 10:7

Ngom ga, agu tombo le méu: Adak Surga ruis gi.

MATÉUS 9:35

Nenggitu dé Mori Yésus lako temu béndar agu béon, Hia toing oné mbaru-mbaru ngaji agu keréba Injil Adak Surga agu pandé morad sanggéd beti agu lendé.

KOLOSÉ 1:6

hitut poli wéwan oné méu. Keréba Di’a hitu wuay agu bekay oné temu tana lino, nggitu kolé oné bahi-réha méu, pu’ung kaut du dengén le méu agu baé tu'ung mantén widang de Mori Keraéng.

MATÉUS 24:6

Manga dengén le méu kacik rampas, agu réba kudut manga rampas. Landing néka sogit laing le méu agu néka simpungm; ai sanggéd situ paka mangas, maik toé di hitu leso cemoln.

MATÉUS 4:23

Mori Yésus lako léok Galiléa; oné mbaru-mbaru ngaji, nitus Liha toing agu ba kréba di’a de Adak Surga, pandé moras sanggéd beti agu ata lema-léngkus ba wekid oné uku situ.

TOMBO PÉTÉ GORI DE RASUL-RASUL 17:6

Maik du toé di itad isét sua, ata da’at situ sorok hi Yason agu pisa taus weki serani nggere-oné ranga data tu’a laingn oné béndar, cang agu ciékd: “Ata pandé ngai-ngaok oné temu tana lino cai cé’é ités ga,

WIDANG SI’ANG ONÉ HI YOHANÉS 3:10

Méu poli lorong curup Daku kudut gepek te géréng Aku. Wiga ali hitu, Aku kolé te sémbéng méu oné cekeng susa hitut kudut hena temu tana lino. Cekeng susa hitu te damang sanggén ata oné lino.

TOMBO PÉTÉ GORI DE RASUL-RASUL 20:25

Te ho’on baé laku ga, te méu toé ngancéng ita ranga dakus kolé, sanggés taung méut ata poli la’at laku kudut ba keréba perénta de Mori Keraéng.

MATÉUS 24:3

Du lari lonton Mori Yésus éta golo Zaitun, mais ata nungku oné ranga Diha kudut te tombo hanang koéd agu Hia. Mai taéd: “Tombo koé agu ami du niag tai jarid apa situ, agu co’o tandan mai Dité agu tandan te cemol lino?

WIDANG SI’ANG ONÉ HI YOHANÉS 16:14

Hitus dé jing da’at ata pandé tanda lenget. Isé ngo cumang sanggéd raja oné temu tana lino, kudut wikit te cama laing rampas oné leso mésé, ngong leso de Mori Keraéng Ata Pu’un kuasa.

LUKAS 4:5

Poli hitu hia dadé Mori Yésus éta osang ata langkas, agu ca repa mata kaut hia toto taung agu Hias sanggéd menan de tana lino.

TOMBO PÉTÉ GORI DE RASUL-RASUL 1:2

haéng du leso héndéngN nggere-éta Surga. Bebolon mai hitu Hia poli téing perénta lut Nai Nggeluk kamping sanggéd rasul situt pilé Diha.

TOMBO PÉTÉ GORI DE RASUL-RASUL 11:28

Cengata oné mai isé ata ngasangn hi Agabus to’o ali kuasa de Nai Nggeluk, mai taé diha, oné temu tana lino te cai darem mésé. Jarin darem mésé hitu oné uwa di Klaudius.

MATÉUS 18:19

Agu can kolé taé Daku agu méu: Émé sua taun oné mai méu oné 1ino ho’o cenais te tegi apa kaut, tegi disé situ sendos le Ema Daku hitut éta Surga.

LUKAS 2:1

Du hitu Kaisér Agustus téi ca perénta, jera bilang taungs ata temu tana lino.

MARKUS 13:10

Maik Keréba Di’a paka olong wéro le méu oné sanggéd wa’u.

TOMBO PÉTÉ GORI DE RASUL-RASUL 17:31

Ai Hia poli wérét ca leso kudut bicar lino le cengata ata poli tétin Liha. Agu kudut imbin le sanggén ata, Mori Keraéng poli pandé mosé kolé ata hitu oné mai ata matan!”

TOMBO PÉTÉ GORI DE RASUL-RASUL 19:27

Ali hitu toé hanang gori dité ata lengga lata, maik tato Artémis kolé, déwa mésé hitu, te moray ngasangn. Céwén kolé weki run déwa Artémis ata suju le ata Asia agu oné temu tana lino hitut gauk di’a, te moray ngasang mésén.”

IBRANI 1:6

Céwén kolé, du Hia dadé Anak ngason nggere-cé’é lino ho’o, mai taéN: “Sanggéd malékat de Mori Keraéng paka suju Hias.”

IBRANI 2:5

Sanggéd malékat toé manga tiba kuasa oné-mai Mori Keraéngd kudut perénta lino weru hitut kudut cai, ho’ot tombo dité.