MATÉUS 23:8 - Bahasa Manggarai New Testament

⁸ Maik méu néka kéta caro rabim; ai ca kanang kali rabi de meu, agu sangges meu asé-ka’ém.

MATÉUS 23:8 Referans Kwoze

JAMES 3:1

Asé-ka’é ata momang daku, néka do bail oné-mai méu ngoéng ciri guru. Pecingp le méu, ali ciri guru, ité te bicart céwé mésé oné-mai ata bana.

1 PETRUS 5:3

Néka pandé néhot méu ata kuasa latangt te perénta isé situt irip le méus, maik poro ciri ata toming laing le jimbal situ.

LUKAS 22:32

Maik Aku poli ngaji latang te hau, boto nawor imbis. Agu hau, émé hau poli pa’éln, hau pandé mberes asé-ka’ém.”

MATÉUS 23:10

Méu néka kolé te caro tu’am, ai ca kali tu’as, hi Mésias.

MATÉUS 17:5

Agu rémé di’an hia curup rodo tuay rewung ata néray, tugep isé agu oné mai rewung hitu dengé reweng, ata nenggo’o taén: ‘Ho’oy anak momang Daku, agu Hia ata henan Laku, séngét koé Hiam.”

WIDANG SI’ANG ONÉ HI YOHANÉS 1:9

Aku, hi Yohanés asé-ka’és ca imbi ata lut cama oné susa, oné ca tana de adak agu oné gepek géréng Mori Yésus. Aku poli okég oné nuca Patmos, landing wéro pedé de Mori Keraéng ata mberesy le Mori Yésus lut saka-siN.

WIDANG SI’ANG ONÉ HI YOHANÉS 22:9

Landing mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, sanggéd nabi, agu sanggéd isét lorong curup de surak ho’o. Suju Mori Keraéng kaut!”

WIDANG SI’ANG ONÉ HI YOHANÉS 19:10

Itug kali aku suju bolo-mai wa’i, maik mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, ata cau tu’ung saka-si de Mori Yésus. Suju Mori Keraéng kaut! Ai saka-si de Mori Yésus hitu te téing nggalas atat ba pedé de Mori Keraéng.”

ÉFÉSUS 3:15

ai oné-mai Hi Ema hitu, sanggéd kilo oné Surga agu oné lino tiba ngasang Diha.

2 KORINTUS 4:5

Ai ami toé keréba weki rugm, maik keréba Mori Yésus. Weki rug ami ciri mendi de méu landing ngoéng de Mori Yésus.

2 KORINTUS 1:24

Toé ali ngoéng dami te perénta apa ata paka imbi le méu, ai méu poli mereps oné imbi. Ngot ami ngoéng lorong gori latang te nisang nai de méu.

MATÉUS 26:49

Agu hidi-hadan hia ngo cumang Mori Yésus agu mai taén: “Tabé o Tuang Guru.” Itu kali omon liha Hia.

MATÉUS 10:25

Remo émé ca murid cirik cama agu gurun, agu ca mendi cirik cama agu Morin. Émé ata ngara mbaru caron lisé Bélzébul (tu’a de jing da’at), apan kolé isét ka’éng ca mbaru.

MATÉUS 23:7

isé ngoéng hiang latas oné amba agu ngoéng te bénta Rabis.

MATÉUS 26:25

Mai walé di Yudas hitut kudut téing Hia taén: “Cala aku Rabi?” Mai walé de Mori Yésus ngong hia: “Polig taé le rum.”

MARKUS 9:5

Mai taé di Pétrus agu Mori Yésus: “Yo Guru, delék kéta nai dami woko manga cé’é ho’okm. Co’om hesé telun lami sékang, can latang te Ité, ca latang te hi Musa, agu can latang te hi Élia.”

MARKUS 10:51

Mai réi de Mori Yésus agu hia: “Apa kéta ngoéngm, kudut pandé Laku latang te hau?” Mai walé data buta hitu: “O Tuang Guru, kudut ngancéng itak aku!”

MARKUS 11:21

Itu kali bet kolén li Pétrus te apa hitut poli jarin, agu mai taén ngong Mori Yésus: “Tuang Guru, lélo damang, haju ara hiot mawang Dité, dango gi.”

MARKUS 14:45

Agu du cai nitun hia, hidi-hadan ngo cumang Mori Yésus agu mai taén: “Io Guru”, itu kali omo Hian.

YOHANÉS 1:38

Maik Mori Yésus holés nggere-musiy. Ita Liha, te isé lorong Hias, itu kali réin agu isé: “Apa kéta hitut kawé de méu?” Mai taéd agu Hia: “Rabi (ngong te nggo’o: Guru) nia wan ka’éng Dité?”

YOHANÉS 1:49

Mai taé di Natanaél kamping Hia: “Rabi, Ité Anak de Mori Keraéng, Ité Raja data Israél!”

YOHANÉS 3:2

Hia mai le wiéy oné Mori Yésus, agu mai taén: “Rabi, baé lami, te Ité mai ného Guru ata wuat le Mori Keraéngt; ai toé kéta manga cengatan ata ngancéng pandé tanda lengét ného pandé Dité hitu, émé toé kempéng le Mori Keraéng.”

YOHANÉS 3:26

Itu kali maid isé oné hi Yohanés agu mai taéd ngong hia: “Rabi, ata hiot cama agu ité be sina mai waé Yordan, agu landing Hia ité poli téing sakasi, Hia cebong ata koléy agu do kétas ata ngo oné Hias.”

YOHANÉS 4:31

Rémé nenggitun ata nungku’N nék Hia, mai taéd: “Rabi, hangt di.”

YOHANÉS 6:25

Du cumangn lata do situ Mori Yésus be sina mai tacik hitu, mai taéd ngong Hia: “Rabi, oné pisa kaut Tité cai cé’é ho’od?”

YOHANÉS 9:2

Réi data nungku'N oné Hia: “Rabi, céingy ata pandé ndékok, weki run ata ho’o ko ata tu’an, wiga hia loas agu butan?”

YOHANÉS 11:8

Mai taéd ata nungku situ ngong Hia: “Guru, ho’o koé di isét Yahudi damang te peké Ités, ngoéng kid Ité te ngo kolé sina itu?”

YOHANÉS 20:16

Mai taé de Mori Yésus ngong hia: “Maria!” Holés hi Maria, agu mai taén le curup Ibrani: “Rabuni!” ngong: “Gurug!”

FILÉMON 1:16

Teho’on ga, néka rékéng hia ného mendi, maik rékéng hia ného asé-ka’é ca imbi ata momang oné hi Kristus. Hia belarn kéta latang te aku, abén kolé latang te hau. Hia belarn kéta, ot ného mendi de hau ko ného asé-ka’é ca imbi oné ranga de Morin.