MATÉUS 23:34 - Bahasa Manggarai New Testament

³⁴ Landing hitu lélo dé, Aku jera nabi-nabi ngo oné méu, isét nggalas agu ata pecing Taurat: iwod oné mai isé le méu mbelés agu pépék oné panggols, ata iwod te onggas le méu oné mbaru-mbaru ngaji agu pandé kélos le méu moséd, mai oné mai bendar ca agu bendar ca,

MATÉUS 23:34 Referans Kwoze

MATÉUS 13:52

Poli hitu taé de Mori Yésus kolé agu isé: “Ali hitu néténg isét pecing Taurat siot tiba toing oné mai Adak Surga rapang cama ného Mori mbaru hiot ka’ur taungs ceca weru agu ceca mangan oné mai cao-can.”

KOLOSÉ 1:28

Hi Kristus hitu dé ata keréba dami, émé toing lami sanggéd nggalas oné néténg ata, kudut titong néténg ata te ciri besik ali nai ca anggit agu hi Kristus.

TOMBO PÉTÉ GORI DE RASUL-RASUL 13:1

Du hitu weki serani oné Antiokhia manga pisa taus nabi agu guru, ho’os: hi Barnabas agu hi Siméon ata caron hi Nigér, agu hi Lukius ata Kiréné agu hi Menahém ata ampil agu raja Hérodés agu hi Saulus.

MATÉUS 10:23

Émé pandé kélo-balé lata méu oné ca béo, losi méu oné béo bana, ai curup tu’ung Daku agu méu: Du toéd laboks le méu lakod béndar data Israél, polig main Anak Manusia.

WIDANG SI’ANG ONÉ HI YOHANÉS 11:10

Isét ngai ka’éng oné lino cembes kéta naid, woko matas sua saka-si situ. Isé pandé ramé agu katu taud koso nolak, ai sua nabi situ poli ba do wahéng latang te sanggén ata oné lino.

IBRANI 11:37

Iwod kolé ga, peké le watus, poro le gergajis, mbelé le sempilangs. Isé ngo mbéots papé ceca oné-mai luit jimbal agu luit mbé; isé lenggé denduts, ta’ong susa agu hena le wahéngs.

1 KORINTUS 3:10

Lorong agu tabing de Mori Keraéng ata widang oné aku, aku ného cengata ata pecing pandé mbaru ata poli na’a ligéngn, agu ata bana pandé mbaru bétan. Maik néténg ata paka lélo, co’o hia te pandé mbaru bétan.

1 KORINTUS 2:6

Koném po nggitu ami ba keréba nggalas oné isét poli mentengd, ngong nggalas ata toé mai oné-mai lino ho’on, agu toé oné-mai isét cau kuasa de lino. Ai ata cau kuasa situ kudut pandé mora’s.

TOMBO PÉTÉ GORI DE RASUL-RASUL 15:32

Hi Yudas agu hi Silas, woko nabi kolés isé, do kolé pandé lémbud latang te asé-ka’é ca imbi situ agu pandé ndeng imbi disé.

TOMBO PÉTÉ GORI DE RASUL-RASUL 14:19

Maik mais ata Yahudi oné mai Antiokhia agu Ikonium agu isé cocong lawa do situ wiga cecupu mai isés. Itu kali peké le watun lisé hi Paulus agu sorok nggere-pé’ang mai béndary, ai bet disé hia polig rowan.

TOMBO PÉTÉ GORI DE RASUL-RASUL 12:2

Hia jera mbelé hi Yakobus ka’é di Yohanés ali sempilang.

TOMBO PÉTÉ GORI DE RASUL-RASUL 11:27

Du hitu pisa taus nabi mai oné mai Yérusalém, ngo oné Antiokhia.

TOMBO PÉTÉ GORI DE RASUL-RASUL 5:40

Isé bénta rasul-rasul situ, itus kali lucad lisé agu ré’ing isé néka toing le ngasang de Mori Yésus. Poli hitu legos lisé.

TOMBO PÉTÉ GORI DE RASUL-RASUL 1:8

Maik méu te tiba kuasa émé Nai Nggeluk wa’u oné méu agu méu te ciri saka-si Daku oné Yérusalém, oné temu tana Yudéa agu Samaria dengkir agu haéng binting awang.”

YOHANÉS 20:21

Cangkalin kolé Mori Yésus taé agu isé: “Hambor agu meler oné méu. Cama ného hi Ema wuat Akuy, nenggitu kolé te ho’on Aku wuat méuk.”

YOHANÉS 16:2

Méu te kenim, ngot cai leson, te néténg ata situt paki méu, nuk koé disé ga pandé ata di’an latang te Mori Keraéng.

LUKAS 24:47

agu manga kolé tulis: le ngasang Diha, keréba latang te teser, agu ampong ndékok, paka caing oné sanggén ata, pu’ung oné mai Yérusalém.

TÉSALONIKA 2:16

Isé pangga ami te ba keréba reweng de Mori Keraéng oné wa’u bana latang te tiba selamak. Nggitu dé isé, ruda kétas cuku nungad te pandé ndékok dengkir rapaks dod. Te ho’on rabo mésé de Mori Keraéng poli hena isén.

MATÉUS 23:31

Maik le hitu méu ciri sakasi latang te weki rus, te méu waé data situt mbelé nabi-nabi situm.