MATÉUS 23:13 - Bahasa Manggarai New Testament

¹³ Copél da’at méu, oé ata pecing Taurat agu méut Parisi, oé méut pisik, ai méu ata tadud parad Adak Surga olo mai ranga data. Ai weki rus méu toé ngo boném maik méus ata panggad isét kudut ngo bonés. [

MATÉUS 23:13 Referans Kwoze

LUKAS 11:52

Calang da’at dé méu, oé ata pecing Taurat, ai poli emin le méu kunci sanggéd pecing do; méu weki rus toé ngo boném, agu ata situt uling ngo bonés, panggas le méu.”

MATÉUS 23:29

Copél da’at, oé ata pecing Taurat agu ata Parisi, oé méut pisik ai méu pandé boa de nabi-nabi agu pandé di’a compang disét nggeluk

MATÉUS 23:27

Copél da’at méu, oé ata pecing Taurat agu méut Parisi, oé méut pisik, ai méu cama ného boa hiot wulak le cét bakoky, hiot pé’ang main nggélok tu’ung lélon, molors le mata data, maik oné main penong le toko agu sanggéd wéang.

MATÉUS 23:23

Copél da’at méu, oé ata pecing Taurat agu ata Parisi, oé méut pisik, ai alang nggurus ca weras, lia agu laja bajars le méu, maik ata céwé mésén oné peréntad Taurat toé pingas le méu, ného: agil, momang agu junggu. Hitu ca, paka pandéy agu so’o iwod néka lendé.

2 TIMOTIUS 4:15

Poro hau kolé sasa-nga’i koéh agu hia, ai hia léwang toing ditéy.

2 TIMOTIUS 3:8

Cama ného hi Yanés agu hi Yambrés, lawang hi Musa, nenggitu kolé isé lawang molor. Anor disé da’at taungd agu imbi disé toé ta’ong damangs.

TOMBO PÉTÉ GORI DE RASUL-RASUL 13:8

Maik hi Élimas, ata mbeko hitu – hitu betuan ngasang diha, pandé do’ong isé agu pandé péndot Gubernur hitu oné mai imbin.

TOMBO PÉTÉ GORI DE RASUL-RASUL 5:40

Isé bénta rasul-rasul situ, itus kali lucad lisé agu ré’ing isé néka toing le ngasang de Mori Yésus. Poli hitu legos lisé.

TOMBO PÉTÉ GORI DE RASUL-RASUL 5:28

taén: “Ré’ing da’at kétap méu lami te toing oné Ngasang hitu. Kali po méu poli labokn Yérusalém ali toings, agu méu kolé kudut tanggong dara Data hitu oné ami.”

YOHANÉS 9:34

Mai walé disé: “Hau ho’o loas kéta déméng agu ndékokm, jari hau kudut toing amih?” Itu kali wur nggere-pé’angn hia lisé.

YOHANÉS 9:24

Itu kali bénta kolé te suangkalin ata hitut baon butay, mai taéd ngong hia: “Curup kéta ata tu’ungn oné ranga de Mori Keraéng; Pecing lami hia hitu ata ndékoky.”

YOHANÉS 9:22

Tara nenggitun tombo data tu’an, ai isé rantang ata Yahudis, ai isét Yahudi poli ce naid céing ata tura Hia hi Mésias, ata hitu néka ka’éng cama agu iséy.

MATÉUS 23:25

Copél da’at méu, oé ata pecing Taurat agu méut Parisi, oé méut pisik, ai gelas agu mangko le méu nawis, bepé’ang maid, maik boned, enggerep agu ngomper.

MATÉUS 3:7

Maik du itad liha ata Parisi agu ata Saduki kudut te cebong, mai taé diha ngong isé: “Oé méut waé de ular rani, céing kéta ata taé agu méu, te ngancéng losi oné mai copél ata kudut cai?

MATÉUS 23:16

Copél da’at méu, oé tu’a ata buta, hiot taés, sumpa le ngasang de Mbaru Nggeluk, sumpa hitu toé tu’ung; maik sumpa le ngasang de emas Mbaru Nggeluk sumpa hitu ata ndeng laingn.