MATÉUS 22:21 - Bahasa Manggarai New Testament

²¹ Mai walé disé: “Gambar agu tulis de Kaisér.” Mai taé de Mori Yésus agu isé: “Téing agu kaisér apa ata paka téing le méu agu kaisér agu oné Mori Keraéng le méu apa ata paka téing oné Mori Keraéng.”

MATÉUS 22:21 Referans Kwoze

ROMA 13:7

Bajar taung apa ata paka bajar le méu: taki latang te isét manga hakd te tiba taki. Béa oné ata siot manga hakd te tiba béa; téing rantang oné ata manga hakd te tiba rantang agu téing hiang oné ata situt manga hakd te tiba hiang.

TOMBO PÉTÉ GORI DE RASUL-RASUL 4:19

Maik walé di Pétrus agu hi Yohanés agu isé: “Wajo damang beté le rus kaut, nia ata molorn oné ranga de Mori Keraéng: lorong méu ko lorong Mori Keraéng.

MATÉUS 22:37

Mai walé de Mori Yésus agu hia: “Momang Mori Keraéng, mai wa mai nain, lawang wakarm agu lawang taung nuk naim.

LUKAS 23:2

Nitu isé pu’ung buang Hiad, taéd: “Poli regéng le rug ami ata ho’o pandé wéléng ata damiy, agu ré’ing bajar taki oné kaisér; agu taén latang te weki run: Hia léng hi Kristus Rajay.”

TOMBO PÉTÉ GORI DE RASUL-RASUL 5:29

Maik walé di Pétrus agu rasul-rasul situ: “Ami paka céwé lorong Mori Keraéng itu po lorong manusia.

MATÉUS 4:10

Mai taé de Mori Yésus ngong hia: “Ngoh ga, hau jing da’at! Ai manga poli tulisn: Hau paka io agu suju Mori Keraéngm agu hanang Hia kali ata patun te hiang!”

MATÉUS 22:20

Itu kali Hia réi isén: “Gambar agu tulis diong ho’o?”

MARKUS 12:17

Mai kolé taé de Mori Yésus agu isé: “Téing oné Kaisér apa ata patun téing le méu oné Kaisér agu oné Mori Keraéng apa ata patun téing le méu agu Mori Keraéng!” Isé lenget kétas dengé curup Diha.

LUKAS 20:25

Mai taé de Mori Yésus ngong isé: “Émé nenggitu, téing oné kaisér le méu apa hitut paka téing oné kaiséry, agu oné Mori Keraéng apa hitut paka téing le méu oné Mori Keraéng!”