MATÉUS 21:11 - Bahasa Manggarai New Testament

¹¹ Mai walé data do situ: “Ho’oy nabi Yésus oné mai Nazarét, tana Galiléa.”

MATÉUS 21:11 Referans Kwoze

YOHANÉS 6:14

Du poli itan lata do situ tanda lenget ata pandé Diha, mai taéd: “Hia ho’o tu’ung kéta nabi hitut mai oné tana linoy.”

YOHANÉS 7:40

Pisa taus oné mai ata do situ ata dengé taung sanggéd reweng situ, mai taéd: “Hia ho’o tu’ung-tu’ung nabi ata kudut te maiy.”

LUKAS 7:16

Sanggéd ata situ rantang da’ats, agu isé bong Mori Keraéngs, cang agu taéd: “Cengata nabi mésé poli mangan oné bahi-réha ité. Mori Keraéng mai ba te selamak ro’éngn.”

TOMBO PÉTÉ GORI DE RASUL-RASUL 7:37

Hi Musa ho’o kolé ata taé agu isét Israél: Cengata nabi ného aku ho’o te pandé mosé koléy le Mori Keraéng latang te méu oné mai asé-ka’és.

YOHANÉS 9:17

Mai kole taéd ngong ata buta hitu: “Agu hau ga, co’o weli taé de hau latang te Hia, ai Hia poli pandé wela mata de haun?” Mai walén: “Hia cengata nabiy.”

MATÉUS 2:23

Du cain nitu, hia ka’éng oné ca bendar, ngasangn, Nazarét. Sanggéd situ kudut rapak reweng de Mori Keraéng ata poli caing néténg nabi, ai kudut caron Hia: Ata Nazaréty.

YOHANÉS 4:19

Mai taéd inéwai hitu kamping Hia: “Mori, ho’og baé tu’ungn laku ga, Ité cengata nabit.

YOHANÉS 1:21

Poli hitu réi kolé lisé agu hia: “Émé nggitu, céing weli hau ga? Cala hi Élia?” Mai walé diha: “Toé, yé!” “Cala hau nabi ho’ot kudut cai?” Walé kolé liha: “Toé, yé! Toé aku!”

MARKUS 6:15

Ata iwod nggo’o taéd: “Hia hitu hi Elia!” Ata iwon kolé nggo’o taéd: “Hia hitu cengata nabi cama ného isét nabi-nabi médé.”

LUKAS 24:19

Mai taén ngong isé: “Apa hitu ta?” Mai walé disé: “Apa hitut jari oné weki de Mori Yésus ata Nasarét. Hia cengata nabi, ata manga kuasaN oné gorin agu curupN oné ranga de Mori Keraéng, nenggitu kolé oné ranga de sanggéd uku dami.

YOHANÉS 1:25

Réi lisé kamping hia, mai taéd: “Co’o tara ngancéng cebong ata laingm hau, émé toé hau hi Mésias, toé hi Élia, agu toé kolé nabi hitut kudut maiy.”

LUKAS 13:33

Maik leso ho’o, diang agu cesua, Aku paka ruda olon lakog, ai toé kéta manga dé’it cengatan nabi te pakiy, émé toé oné Yérusalémy.

LUKAS 7:39

Du ata Parisi hitut siro Mori Yésus, ita pandé de inéwai hitu, mai taén oné nain: “Damang émét nabi de Hia ho’o, pecing kéta muing Liha, céing péng, agu inéwai ata apa péng hitut omar Hia; pecing kéta Liha, te inéwai hitu, cengata ata ndékoky.”

MATÉUS 21:10

Agu du Hia ngo oné Yérusalém, rai-raos kéta oné béndar hitu, agu mai taé data: “Céing kéta ata ho’o?”

MATÉUS 21:26

Maik émé nggo’o taé dité: Oné mai manusian, ité rantang rondong lata do, ai sanggéd ata baé hi Yohanés ho’o cama ného nabiy.”

MATÉUS 21:46

Itu isé lémét te deko Hias, maik isé rantang ata do, ai rékéng data do situ, Hia Nabiy.