MATÉUS 20:8 - Bahasa Manggarai New Testament

⁸ Du wiég tana, mai taé de tuang hitu agu mandorn: béntas isét duat pala situ agu bajar nggajingd, pu’ung oné mai isét duat taki musi comong dengkir agu isét duat laring cai.

MATÉUS 20:8 Referans Kwoze

1 PETRUS 4:10

Keturu di’a-di’a koé cama taus, lorong agu tabing hitut poli tiba oné néténg méu. Ali hitu, méu ngancéng ciri ata nggalas te wintuk widang de Mori Keraéng.

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.

TITUS 1:7

Ai ata wintuk mbaru de Mori Keraéng, atat toé manga celan, toé mésé nai, toé heres, toé langu tuak, toé rabo agu toé gomeng,

2 KORINTUS 5:10

Ai sanggéd taung ité paka ngo oné seriga beté-bicar di Kristus, kudut néténg ata tiba apa ata naun te tiba liha lorong agu pandén oné mosé ho’o, ata di’ad ko ata da’atd.

LUKAS 12:42

Mai walé de Mori Yésus: Jari, céing weli ata wintuk mbaru, hiot junggu agu nggalasn, hitut kudut téti le Morin, ciri tu’ad sanggéd mendin, te téi hang du hitug redun?

LUKAS 10:7

Ka’éng oné mbaru hituh, hang agu inung apa kaut ata téing data agu hau, ai ca ata pala patun te tiba lahén. Néka dé caling-caling mbaru.

LUKAS 8:3

hi Yohana wina di Khusa ata cau séng di Hérodés, hi Susana agu dod kolé inéwai bana. Sanggéd inéwai so’o, ata gori keturu te lawa situ le paéng rud.

MATÉUS 25:31

“Émé cai Anak Manusia agu néra mésén, agu sanggéd malékatn cama laing agu Hias, itu Hia te lonto angos lobo serigan.

MATÉUS 25:19

Béhéng kéta wa ga kolég morid mendi situ, itu kali mangan bilang agu isé.

MATÉUS 20:7

Mai taé disé ngong hia: Ai toé manga atan te téing pala agu ami. Mai taé diha agu isé: Ngo koém kali méu oné uma anggor daku.

MATÉUS 20:9

Itug kali mai isét pu’ung duat ongga lima, agu néténg-néténg isé tiba gici ca dinard.