MATÉUS 20:21 - Bahasa Manggarai New Testament

²¹ Mai taé de Mori Yésus: “Apay ngoéng de hau?” Mai walén: “Anor koé lité Mori, kudut anak daku so’ot sua tau, émé ciri rajat Ite ngancéng cengatan lonto oné racap wanang Dité, cengatan kolé oné racap léo Dité.”

MATÉUS 20:21 Referans Kwoze

MATÉUS 19:28

Mai taé de Mori Yésus agu isé: “Aku taé agu méu, moro matan, du leso dédékn kolé, du Anak Manusia lonto lobo seriga mésén, méu so’ot poli lut Akus, te lonto kolé lobo campulusua seriga latang te beté-bicar disét panga campulusua data Israél.

MATÉUS 18:1

Du hitu mais ata nungku de Mori Yésus agu mai réid: “Ceing kéta ata céwé mésén oné Adak Surga?”

TOMBO PÉTÉ GORI DE RASUL-RASUL 1:6

Itug kali du lonto neki cad réi lisé agu Hia: “Mori, cala ho’og leson Lité te tongkéng kolén Adak latangt Israél?”

MARKUS 6:22

Du hitu anak molas di Hérodias ngo oné sa’éy, agu hia pandé nisang nai di Hérodés agu sanggéd mekan.

MATÉUS 20:32

Itu kali asin Mori Yésus agu bénta isén. Mai taé Diha: “Apa ngoéng de méu te pandé Laku latang te méu?”

KOLOSÉ 3:1

Landing hitu, émé méu poli to’o kolém cama agu hi Kristus, kawé koém cao-ca situt éta Surga, nia mangan hi Kristus, ata lonto oné racap wanang de Mori Keraéngy.

ROMA 12:10

Poro méu kali momang agu hiang taus cama ného asé-ka’é.

YOHANÉS 15:7

Émé méu ka’éng oné Akum, agu curup Daku ka’éng oné méus, tegi apa kaut ngoéngs, méu te tibas.

LUKAS 22:24

Mangan kolé gangga tau oné isét ata nungku de Mori Yésus, céing ata céwé mésén oné sanggéd isé.

LUKAS 19:11

Latang te isét séngét Hia nitu, Mori Yésus ruda olon curupN ba le rapangy, ai Hia ruis gi agu Yérusalém, agu nuk disé te Adak de Mori Keraéng kudut karok itan.

LUKAS 18:41

“Apa ngoéngm kudut pandé Laku latang te hau?” Mai walé data hitu: “Mori, kudut ngancéng koé ita atag!”

MARKUS 10:51

Mai réi de Mori Yésus agu hia: “Apa kéta ngoéngm, kudut pandé Laku latang te hau?” Mai walé data buta hitu: “O Tuang Guru, kudut ngancéng itak aku!”

ROMA 8:34

Hi Kristus Yésus hitut poli matan? Ngot tambang kolé: Ngong Hia ata poli to’o kolén, ata poli lonto oné racap wanang de Mori Keraéng, ngot ciri Ata Kambé latang te ité?

MARKUS 16:19

Du poli curup nenggitun Mori Yésus agu isé, héndéng Hia nggere-éta Surga, agu lonto du racap wanang de Mori Keraéng.

MATÉUS 20:22

Maik mai walé de Mori Yésus, taén: “Toé pecing le méu, apa hitut tegi de méu. Ngancéng weli le méu inung piala, hitut paka inung kéta lakuy?” Mai taé disé agu Hia: “Ngancéng lami.”