MATÉUS 2:23 - Bahasa Manggarai New Testament

²³ Du cain nitu, hia ka’éng oné ca bendar, ngasangn, Nazarét. Sanggéd situ kudut rapak reweng de Mori Keraéng ata poli caing néténg nabi, ai kudut caron Hia: Ata Nazaréty.

MATÉUS 2:23 Referans Kwoze

MARKUS 1:24

“Co’o kéta betuan tara mai cé’é amim hau Yésus ata Nasarét? Asa kudut mai pandé kosé ami Hau? Pecing laku, céi Hau hitu: Ata Nggeluk oné mai Mori Keraéng.”

MATÉUS 26:71

Du kudut ngo nggerpé’ang lewangn hia, ca mendi bana kolé ita hia, mai taén agu ata do nitu: “Ata ho’o dé cama mtaung agu Mori Yésus, ata Nazarét hitu.”

MATÉUS 1:22

Sanggéd situ kudut rapak reweng de Mori Keraéng ata poli caingd le nabi:

TOMBO PÉTÉ GORI DE RASUL-RASUL 24:5

Ami haéng ata ho’o cama ného ata beti puru, cengata ata pandé karukak oné bahi-réha sanggéd ata Yahudi oné temu tana lino agu hia cengata ata tu’a laing oné mai ata Nasrani.

TOMBO PÉTÉ GORI DE RASUL-RASUL 2:22

Oé, ata Israél séngét di’a-di’a curup ho’o: Mori Yésus oné mai Nasarét cengata ata poli pilé le Mori Keraéng agu toto oné méu ali mberes agu sanggéd tanda lenget ata pandé le Mori Keraéng lut Hia oné bahi-réha méu, ného hitut pecing de méu.

YOHANÉS 19:19

Agu jera li Pilatus, na’a apa ata tulis bétan panggol hitu, runingn: “Yésus ata Nazarét Raja data Yahudi.”

YOHANÉS 18:7

Mai Hia réi kolé: “Kawé céing méu?” Mai taéd: “Hi Yésus oné mai Nazarét.”

YOHANÉS 18:5

Mai walé disé: “Hi Yésus oné mai Nazarét.” Mai taén ngong isé: “Ho’ok Aku.” Hi Yudas hiot pika Hia hesé kolé nituy cama laing agu iséy.

LUKAS 2:39

Du poli pandéd taung situ, lut Adak de Mori Keraéng, itus kali koléd oné béndar baté ka’éngd, béndar Nasarét oné Galiléa.

LUKAS 1:26

Oné wulang te enemn, Mori Keraéng jera malékat Gabriél ngo oné ca béndar oné Galiléa, ngasangn Nasarét,

MATÉUS 21:11

Mai walé data do situ: “Ho’oy nabi Yésus oné mai Nazarét, tana Galiléa.”

MARKUS 1:9

Du hitu mai Mori Yésus oné mai Nasarét tana Galiléa, agu Hia cebong li Yohanés oné Waé Yordan.

LUKAS 18:37

Mai taé data ngong hia: “Hi Yésus ata Nasarét liba cé’é ho’oy.”