MATÉUS 19:29 - Bahasa Manggarai New Testament

²⁹ Agu nété-néténg ata hitut ledong mbarud landing ngasang Daku, asé-ka’én ko wetan, eman ko endén, anakn ko uman, te tiba kolé ceratus ngkali mpalé agu te haéng mosé tédéng lén.

MATÉUS 19:29 Referans Kwoze

PILIPI 3:8

Ngot sanggéd cao-ca rékéng laku toé manga betuad. Latang te aku, pecing hi Kristus Yésus Mori daku hitu céwé angos oné-mai sanggéd taung cao-ca. Landing ali Hia, aku poli ledo sanggéd taung situ ai rékéng laku sanggéd situ ného wéangs, kudut aku tiba hi Kristusk

LUKAS 14:26

“Émé ca ata mai cé’é Akuy, maik hia toé rangkat eman, endén, winan, anakn, asé-ka’én ko wetan, ngot mosé de run hia toé ngancéng ciri ata nungku Dakun.

MATÉUS 16:25

Céi-céing ata momang nain, hia te mamur nawan, agu céing ata mamur nawan landing Aku, hia te mo’éng mosén.

MATÉUS 6:33

Maik olong kawé di perénta de Mori Keraéng agu molorn, wiga situt ce dod ata tambang kauts oné méus.

1 PETRUS 4:14

Mosé di’a méu, émé méu lengga latam landing ngasang di Kristus, ai mengit de Nai Nggeluk manga oné méuy.

MATÉUS 10:22

Méu te kodo le sanggén ata, landing kaut le ngasang Daku, maik isét ta’ong dengkir cemoln selamakd moséd.

YOHANÉS 15:19

Émé rapangn méu oné mai linos toét toé lino momang méuy ného paéngn. Landing woko méu toé oné mai linos, maik Aku poli lir méu oné mai lino, itu tara kodos méu le lino.

LUKAS 6:22

Mosé di’am méu, émé landing le Anak Manusia, manga ata jogot méu, agu émé isé keti méu, agu mbécik méu, agu kémpa ngasangm, mana ca apa ata da’aty.

MATÉUS 5:11

Mosé di’a kéta méu émé landing Akum méu mbécik agu luca latam, agu oné méu taungs sanggéd pocu ata da’atd.

1 KORINTUS 2:9

Ného ata poli tulis: “Apa kaut ata toé dé’it ita le mata, toé dé’it dengé le tilu, toé dé’it tua oné nai de manusia: Sanggéd taung situ poli mengkekd le Mori Keraéng latang te isét momang Hia.”

TOMBO PÉTÉ GORI DE RASUL-RASUL 9:16

Weki rug Aku te toi oné hia, do kéta susa ata paka tanggong liha ali ngasang Daku.”

MATÉUS 25:34

Agu mai curup de raja hitu agu isét oné racap wanang: Mai méu, oé ata berkak le Ema Daku, tiba ga osang ata poli ambin te méu; pu’ung mangan lino ho’o!”

MATÉUS 19:16

Manga cengata ata mai oné Mori Yésus, agu mai taén: “Tuang Guru, apa ata di’an pandé daku, kudut haéng mosé tédéng lén?”

MATÉUS 13:23

Siot wécak oné tana beheng, ngong ata siot séngét reweng situ agu idep oné naid, ali hitu cir wuad, manga ata alép ceratusd, manga ata alép enempulud, manga ta alépd telumpulud.”

2 KORINTUS 5:16

Landing hitu, ami kolé toé wolo belar de cengata lorong wolo de manusia. Émé ami poli dé’it wolo belar hi Kristus lorong wolo de manusia, te ho'on ami toé kolé wolo belar nenggitu kamping Hia.

MATÉUS 25:46

Agu isé so’o te ngo oné osang wahéng tédéng lén, landing sanggéd ata molor ngo nggeroné mosé tédéng lén.”

MATÉUS 13:8

Agu iwod kolé pa’u oné tana beheng itu kali wuad: mangas ata ceratus ngkali mpalé, manga ata enempulu ngkali mpalé, manga ata telumpulu ngkali mpalé.

3 YOHANÉS 1:7

Tara lakod isé kudut wéwa ngasang di Kristus, agu toé manga tiba cao-ca oné-mai sanggéd atat toé imbi Mori Keraéng.

LUKAS 5:11

Du poli sorok wangkan nggere pé’ang tana masa, isé lego-wa kaut sanggéd cao-ca, agu lut Mori Yésus.

YOHANÉS 4:36

Ho’o muing hiat ako tiba lahén, agu hiat ligot wua te mosé tédéng lén, wiga ata wécak wini agu hiat ako cama-cama nisang naid.