MATÉUS 19:21 - Bahasa Manggarai New Testament

²¹ Mai taé de Mori Yésus agu hia: “Émé ngoéng kudut jepekm hau, ngoh ga, pika kéta taungs paéngm agu téing isét lénggé, le hitu hau tiba paéng de Surga, poli hitu nggere-cé’é Aku agu lut Akuh.”

MATÉUS 19:21 Referans Kwoze

MARKUS 10:21

Og kali Mori Yésus lélo hia agu momang koléy, itu kali curup agu hia: “Témé ca kin géong de hau: ngoh ga, pika taungs paéngm, agu téing oné ata lénggé, hau te tiba paéng éta mai Surga, poli hitu mai cé’é agu lut Akuh.”

LUKAS 18:22

Dengé hitu Mori Yésus, taé ngong hia: “Téké cay raja hitu ata paka pandéy le hau; pika taungs apa kaut ata manga oné haun, agu pati péar oné ata lénggés, le hitu hau te delék bora éta Surgah, poli hitu, mai nggere-cé’é agu lorong Akuh.”

LUKAS 12:33

Pika taungs le méu sanggéd cao-cas agu téing recos! Pandé ga le méu kandi hitut toé ciri mangay; ngong ca ceca éta Surga hitut toé ngancéng cipotn, toé ngancéng ruis lata takon, agu toé ngancéng hang le pakotn.

LUKAS 14:33

Nenggitu kolé néng néténg méu, hitut toé okés sanggéd cao-can, toé ngancéng ciri ata nungku Daku.

TOMBO PÉTÉ GORI DE RASUL-RASUL 2:45

Agu manga mtaung oné mai isé ata pika wéangd kudut pati néténg ata lorong agu sékék bilang weki.

YOHANÉS 12:26

Céing ata tiba Akuy, hia paka lut Akuy, agu nia Aku mangag nitu kolé sekontu Daku mangan. Céing ata tiba Aku, hia te hiang le Emag.

LUKAS 9:23

Mai taé Diha agu sanggéd isé: “Céing kaut ata nanang te lut Aku, hia paka pali weki run, pola panggoln agu lut Aku.

YOHANÉS 10:27

Sanggéd jimbal Daku séngét reweng Dakus, agu Aku pecing taungs isé, agu isé lorong Akus,

MATÉUS 5:48

Landing hitu, méu paka besik kétam cama ného besik de Emas hitu éta Surga.”

LUKAS 16:9

Aku taé agu méu: pandé woé-nelu di’a-di’a agu bora de lino hitut toé hepes, kudut émé bora de lino hitu, toé ngancéng campé kolé méun, méu ngancéng tibas oné ndéi tédéng lén.”

MATÉUS 19:28

Mai taé de Mori Yésus agu isé: “Aku taé agu méu, moro matan, du leso dédékn kolé, du Anak Manusia lonto lobo seriga mésén, méu so’ot poli lut Akus, te lonto kolé lobo campulusua seriga latang te beté-bicar disét panga campulusua data Israél.

MATÉUS 16:24

Itu kali Mori Yésus taé agu ata nungkun: “Émé cengata ata ngoéng te lorong Akuy, paka pali weki run, pola panggoln agu lorong Akuy.

LUKAS 6:40

Cengata murid toé ngancéng dancu gurun, maik céing situt poli dopog sekolan, te cama agu gurun.

LUKAS 5:27

Poli hitu, du ngo nggere pé’angn Mori Yésus, Hia ita cengata ata tegi béa, ngasangn hi Léwi, ngai lonton oné mbaru tegi béa. Mai taé de Mori Yésus ngong hia: “Mai, lorong Akuh!”

MARKUS 8:34

Itu kali Mori Yésus bénta ata do agu ata nungku Diha, mai taén ngong isé: “Céing kaut ata ngoéng lut Aku hia paka pali weki run, pola panggoln agu lut Aku.

MATÉUS 9:9

Du poli ngo nitu main Mori Yésus, ita Liha cengata, ata ngasangn hi Matéus, lonto kin oné mbaru tegi béa, mai taéN ngong hia: “Lut Akuh.” Itu kali hesén hi Matéus agu lut Hiay.

IBRANI 10:34

Bo tu’ung, méu poli lut oné ta’ong susa de sanggéd ata siot hena le wahéng. Du enggerep latas paéng de méu, tiba kauts le méu ali nisang nai, ai pecing le méu, te méu tiba paéng ceca ata céwé di’an agu céwé makengn.

MARKUS 2:14

Rémé lako nitun Hia, ita Liha hi Léwi anak di Alféus lonto oné mbaru tegi béa, itu kali mai taé Diha ngong hia: “Mai é, lut Akuh!” Itu kali hesén hi Léwi ngo lut Hiay.

MATÉUS 8:22

Maik mai taé de Mori Yésus agu hia: “Lut Aku, kong isét mata boak cama ata matad.”

MATÉUS 4:19

Mai curup de Mori Yésus agu isé: “Mai é, lut akum, kudut méu ciri ndala manusia laingm laku.”

MATÉUS 19:20

Mai taé data reba hitu agu Hia: “Sanggéd taung situ poli taungs laku pandéd, apa koléd ata toén?”

MATÉUS 19:22

Du dengé lata reba hitu curup hitu, itu kali ngon agu kémas kéta nain, ai do kéta paéngn.