MATÉUS 19:16 - Bahasa Manggarai New Testament

¹⁶ Manga cengata ata mai oné Mori Yésus, agu mai taén: “Tuang Guru, apa ata di’an pandé daku, kudut haéng mosé tédéng lén?”

MATÉUS 19:16 Referans Kwoze

YUDAS 1:21

Mosé koém oné mbau momang de Mori Keraéng, cang agu géréng nabit de Mori dité Yésus Kristus latang te mosé tédéng lén.

YOHANÉS 3:15

kudut sanggéd ata situt imbi Hia, haéng mosé tédéng lén.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.

1 YOHANÉS 1:2

Mosé hitu polig nesan, agu polig itan lami. Te ho’on ga, ami téing saka-si agu keréba mosé tédéng lén hitu oné méu. Mosé hitu, manga cama-cama agu hi Ema agu poli si’angn oné ami.

MATÉUS 25:46

Agu isé so’o te ngo oné osang wahéng tédéng lén, landing sanggéd ata molor ngo nggeroné mosé tédéng lén.”

TITUS 3:7

Ali tabing de Mori Yésus, ité poli hambor agu Mori Keraéng, wiga ité haéng mosé tu’ung agu tédéng lén lorong hitut bengkes dité.

1 YOHANÉS 2:25

Ho’oy dé reké di Yésus Kristus hitu: ité te tiba mosé tédéng lén.

TITUS 1:2

agu ligeng de bengkes kudut mosé tédéng lén hitut danong empo-walok poli reké le Mori Keraéng ata toé manga nggopétN.

2 TIMOTÉUS 6:19

Ali hitu igol paéng luing ligéng ata di’an latang te weki run du mosé nggere-olon, wiga haéng mosé ata tu’ungn.

2 TIMOTÉUS 6:12

Rié koém oné imbi ata molor, rumbu koé le méu mosé tédéng lén. Latang te hitu hau tara béntam agu poli wérét le hau reké ata molorn, olo-mai ranga data saka-si do.

TOMBO PÉTÉ GORI DE RASUL-RASUL 16:30

Hia dadé isé nggere-pé’ang, cang agu curupn: “Keraéng-keraéng, apa kéta ata paka pandé laku kudut haéng selamak?”

ROMA 5:21

Cama ného ndékok manga kuasan oné pété mata, nenggitu kolé tabing te manga kuasan lut pandé molor li Yésus Kristus Mori dité, latang te mosé tédéng lén.

ROMA 2:7

Mosé tédéng lén latang te isét seber pandé di’a, kawé naring, hiang agu toé ampus.

YOHANÉS 12:25

Céing ata momang mosén, hia te mamur mosén, maik céing ata toé momang mosén oné lino ho’o, hia te mo’éng mosé tédéng lén.

YOHANÉS 10:28

agu Aku téing isé mosé tédéng lén, agu isé poli itan muing toé manga calangd dengkir lén, agu toé kéta cengatan te rumbu isé oné mai limé Daku.

YOHANÉS 6:68

Mai walé di Simon Pétrus ngong Hia: “Mori, ngo kolé oné céingkm di ami? Reweng Dité tu’ung-tu’ung reweng te mosé tédéng lén;

YOHANÉS 6:47

Aku taé agu méu: Ata tu’ungn kéta, céing ata imbi Aku, hia te haéng mosé tédéng lén.

YOHANÉS 5:39

Bo kali seber tu’ungs méu te bacang Surak Nggeluk, ai bet de méu, le bacang Surak Nggeluk situ haéng le méu mosé tédéng lén. Musuk Surak Nggeluk situ téing sakasi latang té Aku,

YOHANÉS 4:14

maik céing kaut ata inung waé ata kudut téing Laku agu hia, hia toé masa koléy tédéng lén, maik waé ata kudut téing Daku agu hia, kudut ciri mata waé oné weki dihay ata mboas molém taung dengkir tédéng lén.”

MATÉUS 19:29

Agu nété-néténg ata hitut ledong mbarud landing ngasang Daku, asé-ka’én ko wetan, eman ko endén, anakn ko uman, te tiba kolé ceratus ngkali mpalé agu te haéng mosé tédéng lén.

2 TIMOTÉUS 1:16

Maik ali hitu Mori Keraéng momang akuy, kudut oné weki daku ho’ot do ndékok, Mori Yésus toto lembak mésé’N. Ali hitu aku ciri toming latang te isét imbi Mori Yésus tai agu tiba mosé tédéng lén.

MATÉUS 19:26

Mbeler kéta lélod isé le Mori Yésus, agu mai taén: “Latang te manusia paté ho’o toé ngancéng, maik latang te Mori Keraéng ngancéng sanggén taung.”

MATÉUS 19:15

Itu kali Hia témba limén bétan isé agu poli hitu Hia ngog nitu main.