MATÉUS 18:5 - Bahasa Manggarai New Testament

⁵ Agu céing ata tiba cengatan anak koé ného ho’o le ngasang Daku, hia tiba akuy.”

MATÉUS 18:5 Referans Kwoze

MATÉUS 25:40

Agu mai walé de Raja hitu agu isé: Moro matan, Aku taé agu méu, sanggéd kaut ata pandé le méu latang te cengatan oné mai asé ka’é Daku so’ot lengki da’at, méu poli pandé latang te Akus.

GALATIA 4:14

Koném po nenggitu, méu toe ning akum, kali po beti daku hitu te ciri damang latang te méu. Méu poli tiba akus, cama kéta ného tiba ca malékat de Mori Keraéng, ngot cama ného tiba weki run hi Kristus Yésus.

YOHANÉS 13:20

Aku taé agu méu: Tada laingn, céing ata tiba ata hitut wuat Laku, hia tiba Akuy. Agu céing ata tiba Aku, hia tiba Hiat wuat Akuy.”

MARKUS 9:37

“Céing kaut ata tiba anak koé nenggo’o landing ngasang Daku, hia tiba Akuy. Agu céing kaut ata tiba Aku, toé Aku hitut tiba liha, maik Hia hitut wuat Aku.”

LUKAS 9:48

agu mai taéN ngong isé: “Céing kaut ata tiba anak koé ho’o le ngasang Daku, hia tiba Akuy; agu céing ata tiba Akun, ata hitu tiba Hia hitut wuat Akuy. Ai ata koé-kojékn oné mai sanggés méu, hia hituy ata céwé mésén.”

MARKUS 9:41

Aku taé agu méu: Moro matan kéta, céing kaut ata téi méu ca gelasn waé landing méu ata lorong Akum, hia toé manga mora lahén.”

MATÉUS 25:45

Itu kali Hia te walé iséy: Aku taé agu méu; moro matan, sanggéd kaut ata toé pandé le méu latang te cengatan oné mai isét lengki da’at so’o, méu toé pandé kolé latang te Aku.

MATÉUS 7:8

Ai néténg-néténg ata hitut tegi, manga tiban, agu néténg-néténg ata kawé, manga néng itan, agu atat nontong, céngka de para latang te hia.

MATÉUS 18:4

Maik céi-céing ata merik nain agu ciri ného anak koé ho’om, hiay ata céwé mésén kéta oné Adak Surga.

MATÉUS 18:6

“Maik céing kaut hitut pandé ndékok cengatan oné mai anak koé so’o ata imbi Akus, céwé di’an hia hitu émé can watu mesé wasé oné bokakn, poli hitu pandé delep lau taciky.