MATÉUS 18:15 - Bahasa Manggarai New Testament

¹⁵ “Émé asé-ka’ém pandé ndékok, wahéng di’a-di’a hia sua taus. Émé séngét liha titong de hau, polig boné kolén hia le hau.

MATÉUS 18:15 Referans Kwoze

KOLOSÉ 3:13

Ngéngga koé nai agu ampong koé cama taus, émé hiat cengata ngetek ata banay; cama ného Mori poli ampong méun, pandé nenggitu kolé méu.

GALATIA 6:1

Asé-ka’én, koném po hiat cengata haéng le méu lari lagé peréntan, méut mosé lorong Nai Nggeluk paka titong ata hitu le nai lembak nggere-oné salang molor. Jerék kolé wekis, kudut néka hena le damang.

2 TÉSALONIKA 3:15

Néka rékéng hia ného ata baliy, maik wahéng kaut cama ného asé-ka’é ca imbi.

MATÉUS 18:35

Nenggitu kolé pandé de Ema Daku éta Surga latang te méu, émé néténg méu toé ampong asé-ka’és mai wa mai naim.”

ROMA 12:21

Méu néka koda le da’at, maik pandé koda da’at hitu le pandé di’a!

1 PETRUS 3:1

Oé sanggés méut ngasang wina! Junggu koém agu ronas, kudut émé manga ronas ata toé lorong reweng de Mori Keraéng, ngancéng imbis le di’a ba weki de méut ngasang wina.

1 KORINTUS 8:12

Émé nenggitu hau pandé ndékokm kamping asé-ka’ém situt ca imbi, agu pandé réu nai disét les imbid, cetu’ungn hau pandé ndékok kamping hi Kristus.

2 KORINTUS 7:12

Landing hitu, émé aku poli tulis surak hitu oné méu toé ali ata pandé sala, toé kolé ali ata kélo pandé sala. Maik oné ranga de Mori Keraéng, noing le weki rus méu, co’o kéta mésén wintuk de méu latang te ami.

TÉSALONIKA 4:6

Oné pété ho’o, néka manga ata pandé woréng agu nggopét oné asé-ka’é ca imbi. Ai Morin te lékos oné-mai sanggéd pandé situ, ného hitut poli taén agu masa kétay reweng dami danong agu méu.

MATÉUS 18:14

Nenggitu kolé Emas hitut éta Surga, toé ngoéngn oné mai cengatan anak koé so’o te moras.”

MATÉUS 18:21

Poli hitu mai hi Pétrus agu mai taén ngong Mori Yésus: “Mori, haéng pisa ngkalig aku te ampong asé-ka’ég émé hia pandé ndékok agu akuy? Haéng pitu ngkalin?”

TITUS 3:10

Latang te ata campitn pandé biké oné weki serani, paka toing kaut le hau ca-suangkalin, émé toé pinga liha néka woé-joé kolé agu hia.