MATÉUS 18:10 - Bahasa Manggarai New Testament

¹⁰ Nuk di’a-di’a néka hang le hep cengatan oné mai anak koé so’o. Ai Aku taé agu méu: Manga dé malékatd isé éta Surga, ata lélo mtaung ranga de Ema Dakus éta Surga. [

MATÉUS 18:10 Referans Kwoze

IBRANI 1:14

Sanggéd malékat situ ata keturu de Mori Keraéng éta Surga, agu ata wuat Liha te campé sanggéd ata te tiba mbaté selamaks.

LUKAS 16:22

Ného cepisan, matay ata lénggé hitu, mai malékat dadé hia lobo pa’a di Abraham.

MATÉUS 24:31

Agu hia te jera pé’ang taungs malékat-malékat kudut tebang terompét ata maor kéta runingn, agu isé te nekek taungs ata poli lird oné mai pat lok de lino, oné mai binting awang ca, haéng binting awang bana.

LUKAS 1:19

Walé de malékat hitu agu hia: “Aku ho’o hi Gabriél, hitut tiba taé de Mori Keraéng, agu ata wuat te curup agu hau, agu kudut caing keréba di’a ho’o oné hau.

MATÉUS 18:14

Nenggitu kolé Emas hitut éta Surga, toé ngoéngn oné mai cengatan anak koé so’o te moras.”

MATÉUS 18:6

“Maik céing kaut hitut pandé ndékok cengatan oné mai anak koé so’o ata imbi Akus, céwé di’an hia hitu émé can watu mesé wasé oné bokakn, poli hitu pandé delep lau taciky.

MATÉUS 2:19

Du polig matan hi Hérodés, ita li Yosép malékat de Mori Keraéng oné nipin lau Mesir, mai taén:

MATÉUS 2:13

Du koléd ata majus situ ga, ita li Yosép oné nipi, malékat de Mori Keraéng, mai taén: “To’o ga, dadé Anak hitu agu endén, losi nggeroné Mesir, agu ka’éng nitum dengkir manga kolé reweng’g Aku agu hau, ai hi Hérodés kudut mbelé Anak hitu.”

MATÉUS 1:20

Maik du rémé tenang tu-tu’ungn liha te pandé céarn, malékat de Mori Keraéng ita liha oné nipin, agu mai taén: “Yosép, anak Daud, néka rantang hau te emi hi Maria kudut jiri haé kilom, ai anak hitut lari dé’in le kuasa de Nai Nggeluk.

TÉSALONIKA 4:8

Landing hitu céing ata toé tiba curup ho’o, betuan, toé tiba curup de manusia, maik toé tiba curup de Mori Keraéng, hitut poli téing Nai Nggeluk oné méu.

1 KORINTUS 11:22

Co’o tara nenggitun, toé néng manga mbarum hau ko? Hau ngancéng hang agu inung oné mbaru de rum hitu! Ko cala méu kudut mbéis ro’éng de Mori Keraéng agu pandé ritak sanggéd ata situt lénggé? Apa ata paka curup laing laku agu méu? Paka naringm laku méu ko? Toé! Oné pété ho’o, aku toé naring méuk.

1 KORINTUS 16:11

Jari, néka manga ata oné-mai méu te rékéng jengge-li’o hia! Ata di’an campé hia, kudut hia ngancéng ruda olo lakon wiga selamaky, kudut hia mai koléy oné aku, ai aku cé’é ho’o géréng cai diha agu sanggéd asé-ka’é ca imbi situt iwod.

ROMA 14:10

Landing hau, co’o tara mbéis agu lenggad asé-ka’ém situt ca imbi? Ai sanggéd taung ité te kamping kudut tiba beté-bicar de Mori Keraéng.

TOMBO PÉTÉ GORI DE RASUL-RASUL 27:23

Ai oné wié cengata malékat de Mori Keraéng ata io daku, paéng de Run, hesé oné racap daku,

TOMBO PÉTÉ GORI DE RASUL-RASUL 12:23

Du hitu kéta muing onggan hi Hérodés le malékat de Mori Keraéng, ai hia toé hiang Mori Keraéng; hang le uli taung wekin wiga matan.

TOMBO PÉTÉ GORI DE RASUL-RASUL 12:15

Mai taé disé ngong iné-wai hitu: “Nupa hau-a?” Maik hia taé agu isé, tu’ung-tu’ung kéta. Mai kolé taé disé: “Hitu malekatn.”

TOMBO PÉTÉ GORI DE RASUL-RASUL 10:3

Oné itang diha, aram ongga telu le mané, si’ang kéta itan liha, cengata malékat de Mori Keraéng ngo oné mbarun agu mai taén ngong hia: “Oé Kornélius!”

TOMBO PÉTÉ GORI DE RASUL-RASUL 5:19

Maik le wié, cengata malékat de Mori Keraéng wuka taungs para bui hitu agu dadé isé nggere-pé’ang agu mai taén:

2 TIMOTÉUS 4:12

Néka manga cengatan ata hep hau, méséng kaut hau rémé uwam. Hau paka ciri toming laing le sanggén ata imbi, oné sanggéd curupm, ba wekim, toto momangm, junggum, agu oné nggelok naim.

1 KORINTUS 9:22

Latang te ata les imbid, aku ciri ného ata les kolék, kudut haéng ata situt les imbid. Jari, aku poli ciri ného sanggen ata, wiga aku ngancéng pandé selamak pisa taun oné-mai isé.

ROMA 15:1

Ité ho’ot mberés paka tanggong les data toé mberés, agu ité néka kawé kaut di’a de rud.

ROMA 14:21

Céwé di’an hau néka hang nuru ko inung anggor, ko pandé cao-ca wiga timpok laing latang te asé-ka’é ca imbi.

WIDANG SI’ANG ONÉ HI YOHANÉS 8:2

Og itad laku pitud malékat ata hesé bolo-mai ranga de Mori Keraéng, agu isé tiba pitud terompét.

GALATIA 6:1

Asé-ka’én, koném po hiat cengata haéng le méu lari lagé peréntan, méut mosé lorong Nai Nggeluk paka titong ata hitu le nai lembak nggere-oné salang molor. Jerék kolé wekis, kudut néka hena le damang.

2 KORINTUS 10:10

Ai taé data, “Sanggéd surak di Paulus hitu masa agu cirang, maik émé cumang dungka, ba weki diha les kétay agu sanggéd curup diha toé kéta manga betuad.”

2 KORINTUS 10:1

Aku hi Paulus ata rantang émé cumang dungka agu méu, maik rani émé tadang. Aku kudut toing méu landing hi Kristus hitut lembak mésé agu joél kétay.

LUKAS 10:16

Céing kaut ata séngét méun, hia séngét Akuy; agu céing kaut ata doét méun, hia doét Akuy; agu céing hitut doét Akuy, ata hitu doét Hia hitut susung Akuy.”

MATÉUS 12:20

Helung hiot tepo ndéo-ndaong, toét pandé kémpuk Liha, agu sumbu hiot saném dilan toét pandé pesay Liha, dengkir agu pandé komén Liha perénta hitu.

IBRANI 9:24

Ai hi Kristus toé ngo oné Lo’ang Nggeluk ata pandé le limé de manusia ata toming kaut oné-mai Lo’ang Nggeluk ata tu’ungn. Maik Hia ngo nggere-oné Surga kudut cumang Mori Keraéng landing sékék dité.