MATÉUS 16:21 - Bahasa Manggarai New Testament

²¹ Pu’ung du nitu main Mori Yésus wangkag tombon Liha agu ata nungkun te Hia paka ngo oné Yérusalém, agu do kéta cukung susan oné mai isét tu’a laing imam-imam kepala agu ata pecing Taurat, poli hitu ala latay, agu leso te telun to’o koléy.

MATÉUS 16:21 Referans Kwoze

MATÉUS 17:12

Agu Aku taé agu méu: Hi Élia polig main, maik ata toé pecing hia, agu sara naid kéta ata pandé agu hia. Nenggitu kolé anak Manusia agu te pandé susay lisé.”

MATÉUS 27:63

agu mai taéd: “Keraéng, nuk kin lami, te Hia hitut pandé calang ata du lari mosén, nenggo’o taén: Telu leso wa ga, Aku to’o kolék.

MATÉUS 20:28

cama ného Anak Manusia, mai toé kudut te tiba keturu, maik latang te gori keturuy agu téing mosén, te sambé latang te ata do.”

LUKAS 17:25

Maik Hia olong kéta cukung susa doy, agu doét lata uwa ho’oy.

LUKAS 24:46

Mai taéN ngong isé: “Manga tulis nenggo’o: Hi Mesias paka matay agu to’o kolé oné mai ata matan, oné leso te telun;

MARKUS 8:31

Poli hitu pu’ungn Mori Yésus toing isé, te Anak Manusia paka cukung susa doy agu te dungkang le tu’a do, le imam kepala agu le ata pecing Taurat, cemoln te ala latay agu to’o koléy oné leso te telun.

LUKAS 9:31

Isét sua toto wekid dirap, agu curup latang te betuan ngoN hitu te rapak Liha oné Yérusalémy.

MATÉUS 26:47

Du rémé di’an tombon Mori Yésus, caig hi Yudas, cengata oné mai campulusua ata rasul situ, agu cama laing agu hia do kéta lawa ata ba sempilang agu semambud ata jera le imam-imam kepala, tu’ad uku Yahudi.

MATÉUS 26:2

“Pecingp le méu, te téké sua leso kali ramé Paskah, du hitug Anak Manusia te téing kudut panggoly.”

MATÉUS 27:12

Maik le buang de imam-imam kepala agu de tu’a do latang te Hia, toé gorin te walé.

MATÉUS 16:28

Aku taé agu méu: Moron, oné mai méu ata manga cé’é ho’o, manga ata toé di matay émé toéd ita lisé main Anak Manusia neho raja oné baté peréntan.”

MATÉUS 12:40

Ai ného hi Yunus ka’éng oné tuka de ikang telu wié telu leso, nenggitu kolé néng Anak Manusia, te ka’éng oné tuka de lino telu wié telu leso.

MATÉUS 16:22

Maik hi Pétrus ndol Mori Yésus lupi racapn agu rengkes Hia, taén: “Mori, nahé Mori Keraéng oké tadang koéy ného curup Dité hitu! Nahé curup hitu néka kéta hena Itéy.”

MATÉUS 17:9

Du kolé éta mai pocod, pedé le Mori Yésus agu isé: “Néka kéta tombo agu ata le méu, apa ho’ot ita de meu oné céing kaut émé toéd to’o kolé oné mai ata matan Anak Manusia.”

MATÉUS 28:6

Hia toég manga cé’é ho’on, ai Hia poli to’o kolén, cama ného hiot poli tombo le Run. Mai, lélo damang osang baté lolingn.

MARKUS 9:12

Mai walé de Mori Yésus: “Tu’ung olong mai hi Élia tekolo, kudut poléng sanggén taung. Hanang co’o ata poli tulis latang te Anak Manusia, te Hia paka ta’ong susa doy agu mbécik latay?