MATÉUS 16:13 - Bahasa Manggarai New Testament

¹³ Du cain Mori Yésus oné tana Kaisaréa, Pilipi, réi Liha agu ata nungkun: “Taé data, céing Anak Manusia hitu?”

MATÉUS 16:13 Referans Kwoze

YOHANÉS 5:27

Agu Hia poli téing kuasa oné Anak'N kudut beté bicar, ai Hia Anak Manusiay.

MATÉUS 9:6

Maik kudut baé le méu, te oné lino ho’o Anak Manusia manga kuasan te ampong ndékok.” Mai taén ngong ata péko hitu: “To’oh ga, ba wongka tokom agu kolé mbarum!”

MATÉUS 13:37

Mai waléN: “Ata hiot wécak wini di’a, ngong Anak Manusia;

MATÉUS 12:8

Ai Anak Manusia Mori de leso Sabat.”

MATÉUS 8:20

Taé de Mori Yésus agu Hia: “Serigala manga liangn agu kaka lélap manga cewon, maik Anak Manusia kali toé kéta manga osangn latang te bérit sa’in.”

TOMBO PÉTÉ GORI DE RASUL-RASUL 10:38

ngong latang te Mori Yésus oné mai Nasarét: Co’o Mori Keraéng palas Hia ali Nai Nggeluk agu ali kuasa. Hia lako-léok béoy, cang agu pandé di’ay agu pandé ina sanggéd ata situt hena le jing da’at, ai Mori Keraéng loréng Hiay.

TOMBO PÉTÉ GORI DE RASUL-RASUL 7:56

Mai taén: “Tu’ung kéta, aku ita léngan awang agu Anak Manusia hesé oné racap wanang de Mori Keraéng.”

YOHANÉS 12:34

Mai walé data do situ: “Ami poli dengé oné mai adak Taurat, te hi Mésias mosé tédéng lén. Co’o kéta molég néng taé de Hau te Anak Manusia paka téti nggere-étay? Céing néng Anak Manusia hitu?”

MARKUS 10:45

Ai Anak Manusia kolé mai toé kudut intur latay, maik latang te intur atay, agu oké mosén latang te sambé taung ata do.”

MARKUS 8:38

Ai céing kaut ata ritak landing Aku agu landing sanggéd curup Daku, oné bahi-réha uwa weru so’o ata toé junggu agu ndékok so’o, Anak Manusia kolé te ritaky landing ata situ émé Hia mai koléy tai déméng agu néra de Eman cama laing agu sanggéd malékat nggeluk.”

MATÉUS 25:31

“Émé cai Anak Manusia agu néra mésén, agu sanggéd malékatn cama laing agu Hias, itu Hia te lonto angos lobo serigan.

MATÉUS 15:21

Itug kali ngo nitu main Mori Yésus hésing oné tana Tirus agu Sidony.

MATÉUS 13:41

Anak Manusia te jera malékatn agu isé te ngo ongkod sanggéd isét pandé wéléng, agu sanggéd ata siot pandé da’at.

MATÉUS 12:32

Émé manga cengata ata curup te lawang Anak Manusia, hia ngancéng ampongy, maik émé hia lawang Nai Nggeluky, hia toé kéta ampongy, oné lino ho’o toé, agu oné lino tai kolé toé.

YOHANÉS 3:14

Agu cama ného hi Musa te téti liha ular nggere-éta oné satar mambak, nenggitu kolé Anak Manusia paka téti nggere-étay,

YOHANÉS 1:51

Poli hitu taé le Mori Yésus oné hia: “Aku tombo agu hau, moro matan, ata tu’ungn hau te ita léngay awang, agu sanggéd malékat de Mori Keraéng nggere-wa nggere-étas mai cé’é Anak Manusia.”

MATÉUS 12:40

Ai ného hi Yunus ka’éng oné tuka de ikang telu wié telu leso, nenggitu kolé néng Anak Manusia, te ka’éng oné tuka de lino telu wié telu leso.

MATÉUS 16:27

Ai Anak Manusia te mai kolé agu néra de Eman agu londang le sanggéd malékat; du hitu Hia te wali néténg ata lorong agu pandén.

MATÉUS 16:28

Aku taé agu méu: Moron, oné mai méu ata manga cé’é ho’o, manga ata toé di matay émé toéd ita lisé main Anak Manusia neho raja oné baté peréntan.”