MATÉUS 14:19 - Bahasa Manggarai New Testament

¹⁹ Itug kali jerad Liha ata do situ lonto lobo remang. Agu du poli emid Liha lima roti agu suad ikang situ, congay Mori Yésus nggeréta awang agu wan berkak, poli hitu pu’ild Liha roti situ agu téing oné ata nungkun, itus kali ata nungkun pati péar latang te ata do.

MATÉUS 14:19 Referans Kwoze

LUKAS 24:30

Du Hia rémé hang agu iséN, emi Liha roti, itu kali berkakN, poli hitu, pu’il agu téing isé.

TOMBO PÉTÉ GORI DE RASUL-RASUL 27:35

Du poli tombo nenggitun, hia emi roti, wali di’a kamping Mori Keraéng wa ranga de sanggéd isé, pati-patis liha, itu kali pu’ung hangd.

MARKUS 6:41

Hia conga nggere-éta awangy agu wan berkak, itu kali pu’il sanggéd roti situ agu téings Liha oné ata nungkun, kudut pati oné lawa do situ; nenggitu kolé ikang situt sua mongkod, pati kéta taung oné sanggéd lawa do situ.

1 KORINTUS 11:24

agu poli hitu étan wali di’a, pu’ils Liha agu mai taéN, “Ho’oy weki Daku ata téing latang te méu, pandé ho’o le méu te nuk Akum!”

ROMA 14:6

Céing ata hitut petot kéta ca leso céwé mésén, pandé hitu diha latang te hiang Mori Keraéng. Céing ata hang apa kaut, pandé hitu liha te hiang agu te wali di’a oné Mori Keraéng. Céing ata woni, pandé hitu liha te hiang agu te wali di’a oné Mori Keraéng.

KOLOSÉ 3:17

Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

1 KORINTUS 10:16

Toé weli piala ata papé te wali di’a oné Mori Keraéng, pandé neki-ca agu dara di Kristus? Toé weli roti hitut pu’il kudut hang cama laing, pandé neki-ca agu weki di Kristus?

LUKAS 9:14

Ai nitu am manga lima sebud ata rona. Maik taé Diha ngong ata nungkun: “Jera lonto bilang liups isé, am limampulu ata ca liup.”

MARKUS 7:34

Rémé nggitun, cang agu conga nggere-éta awangn, Mori Yésus do’éng nai mésén agu curup oné hia: “Éfata!” ngong cengka ga!

1 KORINTUS 10:31

Landing hitu walé daku, apa kaut ata pandé de hau, hang ko inung, pandé taungs situ le hau kudut naring Mori Keraéng.

YOHANÉS 6:23

Maik rémé nggitun, tuad pisa wangka bana ata mai oné mai Tibérias ruis baté hang roti disé du poli étan wali di’a le Mori Yésus.

MARKUS 6:39

Og kali jeras Liha lawa do situ kudut lonto néténg liups lobo remang lebo.

YOHANÉS 11:41

Og kali tétin lisé watu hitu, itug kali congan Mori Yésus nggere-éta, mai taéN: “Ema, Aku wali di’a agu Iték, ai Ité séngét Akut.

LUKAS 22:19

Poli hitu Hia emi roti, étan ngaji wali di’a, pu’il agu téing oné isé, mai taé Diha: “Ho’o dé weki Daku, kudut téing latang te méuy; pandé ga ho’o te nuk Akum.”

LUKAS 9:16

Agu poli emid Liha roti situt lima agu ikang situt sua, Hia conga nggere-éta awangy, wan berkak, poli hitu pu’il roti situ, agu téing oné ata nungku Diha, kudut pati oné lawa do situ.

MATÉUS 14:18

Mai taé de Mori Yésus: “Ba cé’é Akus le meu!”

LUKAS 22:17

Poli hitu, Hia emi ca piala anggor, étan ngaji wali di’a, mai taéN: “Emi ga ho’o, agu pati bilang méu.