44 “Latang te Adak Surga cama ného ceca ata boak oné umay, ata dumpu lata, poli hitu boak koléy. Ali nisang kéta nain itu kali ngo te pika taungs cao-can agu weli uma hitun.
Agu nété-néténg ata hitut ledong mbarud landing ngasang Daku, asé-ka’én ko wetan, eman ko endén, anakn ko uman, te tiba kolé ceratus ngkali mpalé agu te haéng mosé tédéng lén.
Mai taé de Mori Yésus agu hia: “Émé ngoéng kudut jepekm hau, ngoh ga, pika kéta taungs paéngm agu téing isét lénggé, le hitu hau tiba paéng de Surga, poli hitu nggere-cé’é Aku agu lut Akuh.”
Bo tu’ung, méu poli lut oné ta’ong susa de sanggéd ata siot hena le wahéng. Du enggerep latas paéng de méu, tiba kauts le méu ali nisang nai, ai pecing le méu, te méu tiba paéng ceca ata céwé di’an agu céwé makengn.
Mai wantil de Mori Yésus: “Akuy roti hitut te mosé laing; céing kaut ata mai oné Akuy, hia toé manga darem kolén, agu céing kaut ata imbi Aku, hia toé manga masa kolén.
Nahé reweng di Kristus ka’éng déméng monggu-roun oné bahi-réha méu, wiga méu ali dod nggalas te toing agu langga koé cama taus. Méu wali di’a kamping Mori Keraéng wa mai nais, canggu déré mazmur agu déré naring agu déré nggeluk.