MATÉUS 13:11 - Bahasa Manggarai New Testament

¹¹ Mai walé de Mori Yésus: “Latangt méu téing nggalas nai te pecing pété cehad Adak Surga, maik latang te isé toé.

MATÉUS 13:11 Referans Kwoze

1 KORINTUS 2:14

Maik manusia siot paéng de lino ho’o toé tiba apa ata mai oné-mai Nai Nggeluk, ai le nuk nai disé, widang hitu néhot pandé bodok laing, agu isé toé ngancéng pecing, ai nggalas hitu ngancéng wolo’n hanang le widang de Nai Nggeluk.

MATÉUS 19:11

Landing hitu mai taé Diha agu isé: “Toé sanggén ata ita salangn curup hitu, hanang isét téing widang kali.

JAMES 1:5

Maik émé oné be réha méu manga ata géong nggalas-nai, céwé di’an hia tegi oné Mori Keraéng. Mori Keraéng te téing nggalas hitu latang te hia, ai Hia téing nggalas-nai oné sanggéd ata ali gawas agu lembak naiN.

1 YOHANÉS 2:27

Ai palas hitut poli tiba le méu oné-mai hi Kristus, toé ngancéng mora kolén. Landing hitu, méu toé sékékn kolé te toing lata banam. Palas di Kristus hitu te toing méu sanggéd cao-ca; agu baé le méu te toing Diha situ molord, toé manga nggopétn. Landing hitu, méu paka nai ca anggit kis agu hi Kristus, ného ata poli toingn Liha danong.

1 YOHANÉS 2:20

Maik méu poli tiba palas Nai Nggeluk de Mori Keraéng, wiga pecing taung le méu toing molor.

MATÉUS 16:17

Mai walé de Mori Yésus ngong hia: “Mosé di’a hau Simon Bin Yunus, ai toé manusia hitut taé agu hau, maik Ema Daku hitut éta Surga.

ÉFÉSUS 1:9

Lorong ngoéng de weki Run, Mori Keraéng poli si’ang oné ité latang te sanggéd situt pété ceha; lut nanéng agu lilekN. Poli wérétN Liha, nanéngN hitu te ciri jepeky lut hi Yésus Kristus.

ÉFÉSUS 5:32

Curup ho’o délem betuan, ngong woé-joé di Kristus agu weki serani.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

LUKAS 8:10

Mai walé Diha: “Oné méu téi widang te pecing pété cehad Adak de Mori Keraéng, maik oné ata bana, toing situ, ba le rapang molés, ai koném po lélo, isé toé ita, agu koném po séngéts, isé toé haéng pa’éld.

1 KORINTUS 15:51

Ata tu’ungn, aku taé agu méu ca pété ceha: Ité toé manga mata taungd du runing terompét hitut turung cemoln, maik te pandé caling,

1 KORINTUS 2:7

Maik situt keréba dami, nggalas de Mori Keraéng. Nggalas hitu toé ita le matas agu pété cehas latang te lino ho’o, maik poli mengkekd le Mori Keraéng latang te angos dité du toé di dédékn lino ho’o.

YOHANÉS 6:65

Mai kolé taé Diha: “Landing hitu poli Laku tombon agu méu: Toé kéta manga cengatan ata te mai oné Aku, émé toé widang li Ema latang te hia.”

2 TIMOTÉUS 3:9

Maik isé paka kukut tu’ung apa ata poli toing di Kristus Yésus agu paka nggeluk ici nai oné moséd.

1 KORINTUS 13:2

Koném po aku manga widang latang te nubuat, agu pecing taung pété ceha agu paéng sanggéd pecing do, agu koném po aku paéng imbi ata jepekn latang te hésing poco, maik émé aku toé momang haé ata, aku toé manga belar laing.

MARKUS 4:11

Mai taé Diha: “Agu méu poli téing nggalas nai kudut pecing pété ceha Adak de Mori Keraéng, maik latang te ata bana sanggéd cao-ca toing le rapang molés,

KOLOSÉ 2:2

Betuan pandé daku hitu kudut lémbu koé nai disé, agu isé neki cas oné momang. Ali hitu tingo lisé agu baé paéln oné imbi kudut pecing pété ceha de Mori Keraéng, ngong hi Kristus.

ÉFÉSUS 6:19

Ngaji kolém latang te aku, kudut émé curupk aku, Mori Keraéng widang oné aku curup ata molorn. Ali hitu, aku harat naig te tombos sanggéd pété ceha latang te Keréba Di’a hitu.

1 KORINTUS 4:7

Ai céing ata bilang hau ciri ata mengit? Apa néng ata manga oné hau ata toé tiba oné-mai Mori Keraéng? Émé tu’ung tibas le hau, co’o weli tara pandé angos weki rum, néhot paéng de rum?

1 KORINTUS 4:1

Nahé ata lélo ami: Cama ného mendi di Kristus, hiot imbi le Mori Keraéng te caun pété ceha adak Surga.

YOHANÉS 7:17

Céing kaut ata lut ngoéng Diha, ata hitu ngancéng pecing, ot toing Daku so’o oné mai Mori Keraéngd ko oné mai weki Rug.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

ÉFÉSUS 1:18

Aku gesar oné Mori Keraéng, kudut Hia pandé gérak nais, kudut ngancéng idep apa ata deming laingn oné-mai Mori Keraéng hitut poli bénta méuN. Te baé kolé le méu, co’o kéta penongn berkak ata manikn hitut poli ambin le Mori Keraéng latang te sanggéd weki serani.

TOMBO PÉTÉ GORI DE RASUL-RASUL 16:14

Cengata oné mai iné-wai situ, ngasangn hi Lidia, séngét koléy. Hia oné mai béndar Tiatira agu hia ata pika towé lango. Hia gejur kéta te ngaji kamping Mori Keraéng. Mori Keraéng céngka nai diha wiga séngét kéta liha situt tombo li Paulus.

MATÉUS 13:10

Itug kali maid ata nungkun agu réi oné Hia: “Co’ot Ite tara curup agu isé ba le rapang molés?”

MATÉUS 20:23

Taé de Mori Yésus agu isé: “Piala Daku kudut inung muingy le méu, landing latang te lonto oné racap wanang Daku, ko oné racap léog, Aku toé manga hakg te téingd. Situ kudut te téing ata situt poli nangketd le Ema Daku.”

MARKUS 10:40

Maik latang te lonto oné racap wanang ko racap léo Daku, Aku toé manga kuasag te téingn. Hitu kudut téing oné sanggén ata poli letin.”

ROMA 11:25

Asé-ka’én, kudut méu néka rékéng pintar weki rus, ngoéng daku kudut méu pecing pété ceha ho’o: Ata iwod oné mai isét Israél ciri teger naid dengkir sanggéd wa’u bana imbi oné Mori Keraéng.