MATÉUS 12:44 - Bahasa Manggarai New Testament

⁴⁴ Itug kali mai taén: Aku te kolék oné mbaru hiot ledong daku. Itu kali ngon, agu ita mbaru hitu, toé manga ka’éng atan, roi di’a agu iruk di’a.

MATÉUS 12:44 Referans Kwoze

1 YOHANÉS 4:4

Sanggéd anak daku! Méu paéng de Mori Keraéngm, agu poli pandé kodad le méu sanggéd nabi tangké situ. Nai Nggeluk hitut manga oné méu céwé mésé kuasan po nai hitut paéng de lino.

1 YOHANÉS 2:19

Bo kali oné-mai weki ditéd isé situt lawang hi Kristus, maik danong toé wa-mai naid te nai ca-anggit agu ités. Émé tu’ung-tu’ung wa-mai naid te nai ca anggit agu ités, toét-toé kopé olés kid agu ité. Bécang disé situ oné-mai ité, kudut si’ang tu’ung te sanggéd isé toé nai ca anggit agu ité kolés ga.

1 KORINTUS 11:19

Ai oné bahi-réha méu paka manga biké, kudut si’angn tai, céing oné-mai méu ata ta’ong damang.

ÉFÉSUS 2:2

Du hitu méu mosé lut ruku de lino ho’o, te lorong ata cau kuasa de awang ngong nai hitut weger kéta oné bahi-réha ata toé junggu agu Mori Keraéng.

YOHANÉS 13:27

Du poli tiban roti hitu li Yudas, hia hena le jing da’aty. Mai taé de Mori Yésus ngong hia: “Apa ata nanang laing te pandém, pandé gélang ga.”

YOHANÉS 13:2

Du rémé recap disé hang camad, jing da’at poli saok nanéng oné nai di Yudas Iskariot anak di Simon kudut pika Hia.

YOHANÉS 12:6

Curup hitu diha, toé landing le nuk ata lénggéy, maik hia hitu ata takoy, hia dondé emi kaut séng ata na’a oné kas situt cau diha.

MATÉUS 12:29

Ko co’oy ata ngancéng ngo oné mbaru de cengata ata rani agu purak taungs cecan, émé toé olo pungkut liha ata hitut rani? Du poli pungkutn liha ga, itu pong ngancéng purakn mbaru hitu.

MATÉUS 12:43

“Émé losa jing da’at oné mai manusian, hia mbéo-mbaot lakon kawé du osang situt nggelang te kawé baté ka’éngn. Maik toé ngai dumpun liha.

MATÉUS 12:45

Itug kali ngo kolén agu sawal kolés liha pitu jing da’at ata céwé da’at oné mai hia, agu ngo bonés agu ka’éng nitus. Cemoln ga, weki data hitu céwé da’at oné mai weki laring cain. Nenggitu kolés jirid ata da’at so’o.”

LUKAS 11:25

Itug ngon hia, agu ita mbaru hitu polig roi di’an, agu iruk di’an.