MATÉUS 12:34 - Bahasa Manggarai New Testament

³⁴ Oé méut waé de ular mbangi, co’o méu ngancéng pa’u go’ét ata di’an, égém weki rus méu da’ats! Ai situt go’ét de mu’u, tua oné mai tukad.

MATÉUS 12:34 Referans Kwoze

LUKAS 6:45

Ata situt di’a, tua curup di’a oné mai ici naid hitut di’a, agu ata situt da’at tua curup da’at oné mai ici naid hitut da’at. Ai hitut curup de mu’um, temberua oné mai nain.”

MATÉUS 15:18

Maik apa ata losa oné mai mu’ud, mai wa mai naid, hitu te pandé rinék atas.

ÉFÉSUS 4:29

Néka manga curup da’at, maik curup di’a kali latang te pandé téti éta mosé disét séngétn, wiga isé tiba widangs.

1 YOHANÉS 3:10

Ho’os tarad sanggéd anak de Mori Keraéng ko anak de jing da’at: ata siot pandé molor, loas oné-mai Mori Keraéngd. Maik, céing kaut ata toé momang asé-ka’é ca imbin, hia anak de jing da’aty.

MATÉUS 12:35

Ata weki di’a, losa ata di’ad oné mai naid, maik ata weki da’at, da’at kolé apa ata losad oné mai naid.

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

MATÉUS 23:33

Oé méut ular, oé méut waé de ular mbangi! Co’o méu kong mo’éngs, oné mai wahéng de api neraka?

MATÉUS 3:7

Maik du itad liha ata Parisi agu ata Saduki kudut te cebong, mai taé diha ngong isé: “Oé méut waé de ular rani, céing kéta ata taé agu méu, te ngancéng losi oné mai copél ata kudut cai?

LUKAS 3:7

Mai taén ngong ata do situt mai oné hia te cebong: “Oé méut waé de ular mbangi! Céingy ata tura agu méu, losim oné mai rabo hitut kudut caiy?

ÉFÉSUS 5:4

Nenggitu kolé latang te curup da’at siot toé manga betuad, ko tombo siot mbere-mbapas – ai sanggéd situ toé kopd – ata céwé di’an étan reweng wali di’a kamping Mori Keraéng.

JAMES 3:2

Ai sanggéd ité manga salad oné sanggén cao-ca; céing ata toé manga sala oné curupn, hia hitu ata besik, ata ngancéng wi’uk kolé sanggéd wekin.