MATÉUS 12:32 - Bahasa Manggarai New Testament

³² Émé manga cengata ata curup te lawang Anak Manusia, hia ngancéng ampongy, maik émé hia lawang Nai Nggeluky, hia toé kéta ampongy, oné lino ho’o toé, agu oné lino tai kolé toé.

MATÉUS 12:32 Referans Kwoze

MARKUS 3:29

Maik émé manga cengata ata mbéis Nai Nggeluk, hia toé manga ampongn tédéng lén ai ndékok hitu cameng dengkir tain.”

YOHANÉS 7:39

Betuan taé Diha, ngong Mori Keraéng Nai Nggeluk, ata kudut tiba lisét imbi Hia; tara toé di wa’uy Nai Nggeluk hitu ai Mori Yésus toé di bongy.

2 TIMOTÉUS 1:13

Bo tu’ung kali, danong aku manga dé’it lawang Mori Yésus, wahéng agu pandé mericu Hia. Maik Mori Yésus momang akuy, ai pandé situ daku ali toé di manga paéng imbi oné naig, wiga aku toé pecing apa situt pandé daku.

TITUS 2:12

Hia toing ité kudut ité okés nggopé-nggapét, belek de lino, paka mosé nggalas, agil agu seber te ngaji oné lino.

ÉFÉSUS 1:21

Kuasa di Kristus hitu céwé langkas oné-mai sanggéd pemerénta ata cau kuasa, ata cau adak agu ata tu’a laing, ko céing kaut ata ciri tu’a laing, toé hanang mosé oné uwa te ho’on, maik agu mosé nggere-olon kolé.

TOMBO PÉTÉ GORI DE RASUL-RASUL 3:19

Landing hitu, doing koé agu teser ga kudut ampong ndékoks,

LUKAS 12:10

Néténg ata situt taé kaut ca mu’un ata lawang Anak Manusia, hia te ampongy; maik céing ata mbéis Nai Nggeluky, hia toé kéta ampongy.

MATÉUS 12:31

Landing hitu Aku taé agu méu: “Sanggéd ndékok agu mbéis manusia, ngancéng ampongd, maik mbéis Nai Nggeluk toé kéta ngancéng ampongd.

2 TIMOTÉUS 1:15

Curup ho’o molorn agu patun te tiba di’a-di’ay, “Hi Kristus Yésus mai oné lino ho’o latang te pandé selamak ata ndékok.” Agu oné-mai sanggéd ata ndékok situ, aku kétay ata ndékok mésén.

YOHANÉS 7:12

Agu do kéta dengé siwi-sok oné lawa do situ latang te Hia. Manga ata taé nenggo’o: “Hia ata di’ay.” Mai tungku data iwod: “Toé yé, Hia pandé wéléng ro’éngy.”

LUKAS 23:34

Mai taé de Mori Yésus: “Yo Ema, ampong koés isé, ai toé pecing lisé apa ho’ot pandéd.” Agu isé téka nampo molé te pati ceca paké Diha.

MARKUS 10:30

ata hitu ho’o muing ga, te tiba kolé ceratus ngkali alép dod: mbaru, asé-ka’é, weta, endé, anak koé agu uma, koném lari nggitun lut kin ali rik lata, agu latang te nggere-olon tai hia te tiba mosé tédéng lén.

YOHANÉS 7:52

Mai walé disé: “Asa ata Galiléa kolé hau ta? Damang céca di’a oné Surak Nggeluk, kudut pecing le hau toé manga nabi ata mai oné mai Galiléa.”

LUKAS 7:34

Poli hitu, main Anak Manusia, hang agu inungy, maig taé de méu: Lélo dé, Hia ca ata ngomper agu ata languy, haé reba disét tegi béa agu ata ndékok.

MATÉUS 11:19

Poli hitu woko cai Anak Manusia, Hia hangy agu inungy, mai taé disé: Lélo damang, Hia ata gomeng agu ata langu, asé-ka’é data tegi béa, agu ata ndékok. Maik le nai ngalis de Mori Keraéng, helek de cengata lélo oné mai pandén.”

MATÉUS 13:55

Cala anak de tukang hajup Hia ta? Cala hi Mariap endén agu asé-ka’én: hi Yakobus, hi Yosép hi Simon agu hi Yudas?

MATÉUS 8:20

Taé de Mori Yésus agu Hia: “Serigala manga liangn agu kaka lélap manga cewon, maik Anak Manusia kali toé kéta manga osangn latang te bérit sa’in.”

MATÉUS 12:8

Ai Anak Manusia Mori de leso Sabat.”

MATÉUS 13:22

Situt wécak oné cembot karots hitus ata siot dengé curup situ, maik simpung de lino ho’o agu nggopét de bora pandé kejé curup situ wiga toé manga wuad.

MATÉUS 13:39

Ata bali hitut wécak wini ri’i, ngong jing da’at. Cekeng ako, ngong du cemoln lino agu sanggéd ata ako, ngong malékat.

MATÉUS 13:40

Jari, ného ongko ri’i situ agu longgo oné apid, nenggitu kolé du cemoln lino.

MARKUS 3:28

Aku taé agu meu: Ata tu’ungn, sanggéd ndékok agu mbéis de sanggéd anak manusia, te ampongs agu sanggéd mbéis ata caro liséd.

LUKAS 16:8

Itug kali keraéng hitu naring hiat cau boran hitut toé hepesn, ai hia poli pandé anor salang lakon. Ai anak de lino ho’o céwé do anorn agu haé atan, itu po anak de gérak.

LUKAS 18:30

te tiba kolé alép pisa ngkalin oné uwa ho’o muing ga, agu du leso hitu tai, hia te tiba mosé tédéng lén.”

2 TIMOTÉUS 4:8

Nungku te rai weki manga dopon ai cekoéy kali lahén, maik nungku te racang rak-rai ati do kéta betuan, ai mésé lahén latang mosé te ho’on agu latang te mosé tai.

2 TIMOTÉUS 6:17

Langga kid latang te sanggéd ata bora oné lino ho’o te pandé di’a, kudut isé néka mésé-naid agu néka bengkes oné bora situt toé manga betuad. Maik bengkes kali oné Mori Keraéng hitut téing boraN oné ité, kudut mantes lité.

2 TIMOTIUS 4:10

ai hi Demas céwé momang lino ho’oy wiga legong akuy. Hia poli ngo oné Tésalonikan. Hi Kréskés poli ngo oné Galatian agu hi Titus ngo oné Dalmatiay.

JAMES 1:27

Ho’o dé ngaji ata molorn agu toé manga celan oné ranga de Mori Keraéng Ema dité: campe ata lalo agu ata luang oné susad, agu jerék weki rud boto rowak le saki de lino ho’o.