MATÉUS 12:30 - Bahasa Manggarai New Testament

³⁰ Céing ata toé nai ca anggit agu Akun, hia lawang akuy agu céing ata toé tuka ca léléng agu Aku, hia pandé bike agu behas.

MATÉUS 12:30 Referans Kwoze

MARKUS 9:40

Céing kaut ata toé léwang itéy, hia hitu oné mai itén.

LUKAS 11:23

Céing ata toé cama laing agu Aku, hia lawang Akuy, agu céing ata cégot gori Daku, hia ata pandé mbihi-mbehar.”

LUKAS 9:50

Mai taé de Mori Yésus ngong hia: “Néka ré’ing le méu, ai céing ata toé lawang méu, hia cecupu mai méuy.”

MATÉUS 6:24

Méu toé ngancéng ciri mendi de sua mori. Ai émé nenggituy jogot dé ho’o ca, ho’o ca ga momangy, ko sundur agu ho’o cengata, ho’o cengata ga toé lélo calay. Méu toé ngancéng lut Mori Keraéng, ngai deming kin wéang.”

1 YOHANÉS 2:19

Bo kali oné-mai weki ditéd isé situt lawang hi Kristus, maik danong toé wa-mai naid te nai ca-anggit agu ités. Émé tu’ung-tu’ung wa-mai naid te nai ca anggit agu ités, toét-toé kopé olés kid agu ité. Bécang disé situ oné-mai ité, kudut si’ang tu’ung te sanggéd isé toé nai ca anggit agu ité kolés ga.

YOHANÉS 11:52

Agu toé latang te uku hitu kanang, maik latang kolé te impung agu pandé neki cas Anak de Mori Keraéng situt bégas.

MATÉUS 12:29

Ko co’oy ata ngancéng ngo oné mbaru de cengata ata rani agu purak taungs cecan, émé toé olo pungkut liha ata hitut rani? Du poli pungkutn liha ga, itu pong ngancéng purakn mbaru hitu.