MATÉUS 12:18 - Bahasa Manggarai New Testament

¹⁸ “Lélo ga, hitu Mendi ata pilé Rug ata momang Laku, hitut oné, Hia henan wakar Daku; Aku te na’a Naig nggeréta Hia, agu Hia caing bati agil oné uku do.

MATÉUS 12:18 Referans Kwoze

LUKAS 4:18

“Nai de Mori Keraéng manga oné Akuy, ali Hia palas Akuy, kudut caing keréba di’a oné ata lénggé; agu Hia poli wuat Akun

TOMBO PÉTÉ GORI DE RASUL-RASUL 10:38

ngong latang te Mori Yésus oné mai Nasarét: Co’o Mori Keraéng palas Hia ali Nai Nggeluk agu ali kuasa. Hia lako-léok béoy, cang agu pandé di’ay agu pandé ina sanggéd ata situt hena le jing da’at, ai Mori Keraéng loréng Hiay.

YOHANÉS 3:34

Ai céing ata wuat le Mori Keraéng, Hia ata caingn reweng dé Mori Keraéng, ai Mori Keraéng widang Nai Nggeluk toé manga beténgn.

1 PETRUS 2:4

Ali hitu, mai ruis ga oné Hia, ai Hia hitu watu ata téing mosé. Watu hitu poli okén le manusia, maik pilé agu hiangy le Mori Keraéng.

2 PÉTRUS 1:17

Ai hi Yésus Kristus tiba hiang agu mengit oné-mai Mori Keraéng Ema. Du hitu cain oné Hia reweng de Mori Keraéng, nenggo’o taéN, “hau dé Anak momang Daku, ata henan kéta oné Nai Daku.”

KOLOSÉ 1:13

Hia poli ledo ité oné-mai kuasa de nendep agu hésing ité nggere-oné Adak de Anak Diha hitut momang.

KOLOSÉ 1:1

Surak ho'o oné-mai hi Paulus, rasul di Kristus Yésus ali ngoéng de Mori Keraéng, agu hi Timotéus asé-ka’é dité ca imbi.

ÉFÉSUS 1:6

Naring ga Mori Keraéng hitut mengit, ai létang laing le Anak MomangN, Hia momang tu’ung itéy.

TOMBO PÉTÉ GORI DE RASUL-RASUL 14:27

Du caid nitu, isé bénta taung weki serani kudut nempung. Itu kali tombo taung sanggéd cao-ca situt pandé le Mori Keraéng lut isé, agu Hia poli céngka para latang te wa’u bana nggere-oné imbi.

TOMBO PÉTÉ GORI DE RASUL-RASUL 11:18

Du dengén lisé tombo hitu, itus kali toé ngaokd, agu naring Mori Keraéngs, mai taéd: “Jari latang te wa’u bana kolé Mori Keraéng téing teser kudut titong nggere-oné mosé tédéng lén.”

LUKAS 23:35

Ata do hesé nitu, agu ita kéta sanggén taung. Isét tu’a laing seget Hia, mai taéd: “Bo ata bana, lobo watus Liha, ondang lité ho’o Hia te lobo watu koé weki run, émé hi Kristus tu’ung Hia, hitut lir de Mori Keraéng.”

LUKAS 9:35

Itug kali dengég reweng oné mai rewung hitu, taén: “Ho’oy Anak ata pila Daku, séngét koé Hia.”

LUKAS 3:22

agu wa’un Nai Nggeluk, ba tara de Tekur Jaway lobo Hia. Agu dengé reweng éta mai awang: “Hau Anak ata momang Daku, oné Hau kéta ata henan Laku.”

MARKUS 9:7

Og kali tuan rewung kémbéng isé agu oné mai rewung hitu dengé reweng: “Ho’o kéta dé Anak cembes Daku, séngét koé Hiam.”

MARKUS 1:11

Itug kali dengé reweng éta mai Surga: “Hau dé Anak cembes Daku, Hau kéta ata henan oné nai Daku.”

MATÉUS 17:5

Agu rémé di’an hia curup rodo tuay rewung ata néray, tugep isé agu oné mai rewung hitu dengé reweng, ata nenggo’o taén: ‘Ho’oy anak momang Daku, agu Hia ata henan Laku, séngét koé Hiam.”

MATÉUS 12:17

kudut rapakn reweng ata caing le nabi Yésaya: