Maik manusia siot paéng de lino ho’o toé tiba apa ata mai oné-mai Nai Nggeluk, ai le nuk nai disé, widang hitu néhot pandé bodok laing, agu isé toé ngancéng pecing, ai nggalas hitu ngancéng wolo’n hanang le widang de Nai Nggeluk.
Mai curup de Mori Yésus ngong isé: “Wié ho’o, sanggés méu te gégo imbis landing Aku. Ai manga tulisn: Aku te mbelé hiat lamid, agu jimbal-jimbal situ, te mbihi-mbehars.
Agu aku ho’o asé-ka’én, émé aku ngai keréba kin wintuk sunat, co’o tara wahéng kig aku lata? Ai émé aku ngai keréba kin wintuk sunat, panggol di Kristus toé ciri watu timpok laing kolé gi.
Itu kali berkak isén hi Siméon, agu mai taén ngong hi Maria, endé de Anak koé hitu: “Tadan tu’ung, Anak koé ho’o poli cerepn te pa’u agu to’od do ata oné Israél, agu te ciri ca tanda te mangan raha,
Itu tara émé mata wanangm te pandé calang laing hau, nggé’i agu okéy hitu, ai céwé di’an latang te hau émé mora can oné mai wekim, itu po déméng weki mongkos péncar nggerwa neraka.
Toé weli Hia ata tukang hajuy, anak di Maria, asé-ka’én hi Yakobus, hi Yosés, hi Yudas agu hi Simon? Agu toé weli weta Diha manga cama-cama agu ites?” Itug kali majan lisé agu doét Hias.
