MATÉUS 11:27 - Bahasa Manggarai New Testament

²⁷ Sanggéd taung poli widang agu Akud le Emag, agu toé cengatan ata pecing ngasang Anak, émé toé le Ema, agu toé cengatan ata pecing Ema émé toé le Anak agu oné ata hituy henan toin le Anak hitu.

MATÉUS 11:27 Referans Kwoze

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

LUKAS 10:22

Sanggéd ménan poli téing oné Akud le Emag; agu toé cengatan ata pecingn céingy Anak, bom hi Ema, agu céingy hi Ema, bom hi Anak, agu oné ata hitut oné hia henan le Anak hitu, te toi molor hitu.”

2 YOHANÉS 1:9

Ata siot toé cau tu’ung toing di Kristus agu wéléng oné-mai toing situ, hia hitu toé patun te ciri anak de Mori Keraéng. Maik céing kaut ata cau tu’ung sanggéd toing situ, hia patun te ciri anak de Mori Keraéng Ema agu Anak.

1 YOHANÉS 2:23

Ai céing ata pali hi Anak, hia kolé toé imbi Ema. Maik céing ata tiba hi Anak, hia kolé imbi hi Ema.

YOHANÉS 10:15

cama ného hi Ema pecing Akuy, nenggitu kolék Aku pecing hi Ema, agu Aku oké moség latang te sanggéd jimbalg.

YOHANÉS 3:35

Ema momang Anakn agu poli widang sanggéd cao-ca oné Hia.

YOHANÉS 6:46

Sanggéd situ toé nggo’o ga, te manga atan ata poli itan hi Ema. Hanang Hia hitut mai oné mai Mori Keraéngn, Hiay ata poli ita hi Ema.

YOHANÉS 1:18

Toé kéta manga cengatan ata poli ita Mori Keraéng; maik Anak léca de Mori Keraéng, ata manga oné lobo pa’a de Ema'N, Hia dé ata tombon.

YOHANÉS 7:29

Aku pecing Hiak, ai Aku mai oné mai Hiag agu Hia ata wuat Aku.”

YOHANÉS 17:6

Aku poli toi ngasang Dité oné sanggéd ata situt téing Lités agu Aku oné mai lino ho’o. Isé situ, Dités morid, agu Ité poli téing isé oné Aku, agu isé lut tu’ung curup Dités.

YOHANÉS 13:3

Pecing le Mori Yésus te Eman poli téing sanggé-ménan agu Hia te mai oné mai Mori Keraéng agu kolé oné Mori Keraéng.

1 PETRUS 3:22

Du poli héndéng nggere-éta SurgaN, Mori Yésus lonto oné racap wanang de Mori Keraéng. Mai nitu main, Hia agu Mori Keraéng perénta sanggéd malékat agu ata cau kuasa agu sanggéd mberes.