MATÉUS 10:42 - Bahasa Manggarai New Testament

⁴² Agu céing kaut ata téing waé ces ce gelasn kaut latang te cengata oné mai isét panga-wa so’o, landing hia ata nungku Dakuy, Aku taé agu méu: Moro matan, toé mora lahén latang te hia.”

MATÉUS 10:42 Referans Kwoze

IBRANI 6:10

Mori Keraéng hitu agiln, wiga Hia toé hémong latang te gori de méu agu momang hitut toto de méu ali ngasang Diha, le gori keturu latangt asé-ka’é ca imbi, ného bebolon agu nggere-olon.

MATÉUS 25:40

Agu mai walé de Raja hitu agu isé: Moro matan, Aku taé agu méu, sanggéd kaut ata pandé le méu latang te cengatan oné mai asé ka’é Daku so’ot lengki da’at, méu poli pandé latang te Akus.

MATÉUS 18:10

Nuk di’a-di’a néka hang le hep cengatan oné mai anak koé so’o. Ai Aku taé agu méu: Manga dé malékatd isé éta Surga, ata lélo mtaung ranga de Ema Dakus éta Surga. [

2 KORINTUS 8:12

Ai émé méu goris kudut téing, téing de méu hitu tibas le Mori Keraéng. Téing lorong apa ata mangan, toé lorong apa ata toé manga oné méu.

LUKAS 6:35

Maik méu, momang koé balim, agu pandé sara di’a agu isé, agu téing célong ata toé manga bengkes laing te lékod, lahém ga te mésé kéta, agu méu te ciri anak de Mori Keraéngm hitut Éta kétay; ai Hia di’a agu ata situt toé pecing te wali di’a agu isét ata da’at.

LUKAS 17:2

Céwé di’an te hia, émé can watu geré latung, pongo du bokakn, poli hitu wéok lau taciky, itu po hia pandé wéléng cengatan oné mai isé so’ot bengge-lénggéng.

MATÉUS 18:14

Nenggitu kolé Emas hitut éta Surga, toé ngoéngn oné mai cengatan anak koé so’o te moras.”