MATÉUS 10:17 - Bahasa Manggarai New Testament

¹⁷ Landing jaga di’a-di’a agu ata, ai manga ata te téing méu oné isét Adak Agama, agu isé te luca méu oné mbaru ngaji.

MATÉUS 10:17 Referans Kwoze

MARKUS 13:9

Maik méu, jerék koém! Méu te mboték latam oné ranga de Adak Agama agu méu kudut ongga latam oné mbaru ngaji agu méu te ba oné ranga disét cau kuasa agu de raja-raja landing Akum, kudut ciri saka-si laing latang te isé.

MATÉUS 23:34

Landing hitu lélo dé, Aku jera nabi-nabi ngo oné méu, isét nggalas agu ata pecing Taurat: iwod oné mai isé le méu mbelés agu pépék oné panggols, ata iwod te onggas le méu oné mbaru-mbaru ngaji agu pandé kélos le méu moséd, mai oné mai bendar ca agu bendar ca,

TOMBO PÉTÉ GORI DE RASUL-RASUL 26:11

Oné mbaru-mbaru ngaji, aku dondé wahéng isé agu denet isé kudut pali imbid agu ali cumpeng mésé aku dolong isé, ngot haéng oné béndar data.”

YOHANÉS 16:2

Méu te kenim, ngot cai leson, te néténg ata situt paki méu, nuk koé disé ga pandé ata di’an latang te Mori Keraéng.

LUKAS 12:11

Émé manga ata buang méu oné Adak Agama, ko sanggéd adak ata perénta laing agu oné isét cau kuasa, néka simpung laing le méu co’o kétam, agu apa kétag le méu curupn te riwok wekis.

MATÉUS 5:22

Maik Aku taé agu méu: Céing kaut ata rabo agu asé-ka’én, paka wahéng: Céing ata taé bapa béngot! ngong asé-ka’én paka ba oné ranga de Adak Agamay, agu céing ata taé: kafir! Paka oké oné api nerakay ata ganggor kin dilan.

TOMBO PÉTÉ GORI DE RASUL-RASUL 22:19

Mai walé daku: Mori, baé lisé te aku ata ngo oné mbaru ngaji ca agu oné mbaru ngaji bana agu na’a oné buis isét imbi Ités agu ongga isé.

IBRANI 11:36

Ata iwod kolé tiba loér, tiba luca, pangkot le ranté agu na’a oné buis.

2 TIMOTIUS 4:15

Poro hau kolé sasa-nga’i koéh agu hia, ai hia léwang toing ditéy.

PILIPI 3:2

Jerék koém agu ata situt pandé da’at kanang gorid, ai isé situ patun te caro acus. Isé sutut kétas, te paka sunat taung sanggéd ata.

YOHANÉS 11:47

Itug kali isét imam kepala agu ata Parisi bénta Adak Agama kudut neki weki, mai taéd: “Co’o kali pandé dité ga? Ai ata hitu do pandé tanda lengetn.

MARKUS 13:12

Du hitu tai manga ka’é ata pika asén kudut alay, nenggitu kolé ema ata pika anakn. Agu manga anak-anak ata cekerangang agu ata tu’ad agu te ala lisé.

MATÉUS 26:59

Sanggéd imam kepala, ngaid sanggéd Adak Agama, kawé sakasi ata nggopét latang te Mori Yésus, kudut wahéng te matan

TOMBO PÉTÉ GORI DE RASUL-RASUL 17:14

Maik asé-ka’é situt ca imbi jera hi Paulus gélang koé ngo sili nanga, maik hi Silas agu hi Timotéus kong kid ka’éng oné Beréa.

MATÉUS 20:19

Agu isé te téing hia oné uku so’ot toé pecing Mori Keraéng, kudut Hia loér latay, luca agu panggoly, maik leso te telun Hia mosé koléy.”

MATÉUS 10:18

Agu landing kaut Aku, méu todang ba oné ranga disét cau kuasa agu raja-raja ného ca sakasi latang té isé agu té sanggéd uku ata toé pecing Mori Keraéng.

TOMBO PÉTÉ GORI DE RASUL-RASUL 9:2

agu tegi surak kuasa kudut ba diha oné mbaru-mbaru ngaji data Yahudi, oné Damsyik, kudut émé cumang agu ata rona ko iné-wai ata lorong Salang de Mori Yésus, hia ngancéng deko agu sorok isé nggere-oné Yérusalém.