LUKAS 9:8 - Bahasa Manggarai New Testament

⁸ Manga kolé taé data iwon, te hi Élias tua koléy gi agu manga kolé taé data iwon, te cengata oné mai sanggéd nabi situ olo poli mosé kolén.

LUKAS 9:8 Referans Kwoze

YOHANÉS 1:21

Poli hitu réi kolé lisé agu hia: “Émé nggitu, céing weli hau ga? Cala hi Élia?” Mai walé diha: “Toé, yé!” “Cala hau nabi ho’ot kudut cai?” Walé kolé liha: “Toé, yé! Toé aku!”

LUKAS 9:19

Mai walé disé: “Hi Yohanés Cebong, manga kolé ata taé: hi Élias, manga kolé ata taé: cengata oné mai nabi situ médé ata poli to’on.”

MARKUS 8:28

Mai walé dise: “Manga ata caro ité: hi Yohanés Cebong, manga kolé ata caro: hi Élia, manga kolé ata caro: cengata oné mai sanggéd nabi.”

MARKUS 6:15

Ata iwod nggo’o taéd: “Hia hitu hi Elia!” Ata iwon kolé nggo’o taéd: “Hia hitu cengata nabi cama ného isét nabi-nabi médé.”

MATÉUS 17:10

Mai réi data nungkun agu Hia: “Émé nenggitu, co’o tara taé disét Pecing Taurat, hi Élia paka mai oloy?”

MATÉUS 16:14

Mai walé disé: “Manga ata caro hi Yohanés tecebong, manga kolé ata caro: hi Élia agu manga kolé ata taé hi Yérémia ko cengata oné mai Sanggéd nabi.”