LUKAS 9:39 - Bahasa Manggarai New Testament

³⁹ Manga kaut tara tekan hia, pegagar le jingy, agu rodo teka ta’a kaut ciékn; jing hitu wi’u-wa’uk hiay dengkir wusa muing mu’un. Jing hitu pandé séang mtaung hiay, ngo-ngot toé ledo liha.

LUKAS 9:39 Referans Kwoze

LUKAS 8:29

Hia taé nenggitu ai Mori Yésus perénta jing hitu pé’ang oné mai ata hitun. Ai dongkalin jing hitu sorok-saék hian, wiga kudut lamin hia, hia pongo le ranté agu langki moléy; maik hia pandé beté taungs apa situt pongo, agu hia mbér le jing hitu oné osang hitut lingi-lengot.

LUKAS 4:35

Maik renti hia le Mori Yésus, mai taéN: “Hema, pé’ang hau oné mai ata hitum!” Mai jing da’at hitu péncar ata hitu oné beréha ata do, agu pé’ang oné mai hian, toé kolé pandé beti koé cekoén liha.

MARKUS 9:26

Itu kali pé’angn jing da’at hitu cang agu ciékn agu panci-péncarn liha anak koé hitu. Anak koé hitu mana rapu taran, wiga do kéta ata curup: “Hia poli matan.”

MARKUS 9:20

Og kali dadén lisé oné Hia. Du jing da’at hitu ita Mori Yésus, pandé kéu-kaul kéta anak koé hitu, wiga nggele-nggoténgn anak koé hitu wa tana, agu wusa taung mu’un.

WIDANG SI’ANG ONÉ HI YOHANÉS 9:11

Raja ata perénta isé, malékat hitut papongn ngampang mata. Ngasangn raja hitu hi Abadon, oné curup disét Ibrani; ko hi Apolion, oné curup disét Yunani, betuan ngong “Ata Pandé Copél.”

1 PETRUS 5:8

Doing agu jerék koém! Ai jing da’at hitut bali de méu, cama ného acu rani ata lolo kin te cekel méu.

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

MARKUS 9:18

Agu émé cangep hia le jing da’at hitu, wewaky liha wa tana; wiga wusa mu’un, kérek ngisn, agu wedét wekin. Aku poli tegi oné ata nungku Dité, kudut mbér lisé jing da’at hitu, landing toé ngancéng lisé.”

LUKAS 9:38

Cengata oné mai ata do situ, kepoky mai taén: “Guru, tegi laku kudut Ité lélo koé anak dakut, ai ungkur hitu can kali anakg.

LUKAS 9:40

Agu aku poli tegi agu ata nungku Ditég, kudut lisé koé mbérn jing hitu, maik toé ngancéng lisé.”