LUKAS 9:20 - Bahasa Manggarai New Testament

²⁰ Mori Yésus réi isé: “Le méun ga, céingk weli Aku ho’o?” Mai walé di Pétrus: “Hi Mésias oné mai Mori Keraéngn.”

LUKAS 9:20 Referans Kwoze

YOHANÉS 7:41

Mai taé data iwod: “Hia ho’o hi Mésias.” Maik manga kolé wantil data iwon: “Toé ta, hi Mésias toé mai oné mai Galiléan.

YOHANÉS 4:29

“Oé, mai é, lélo damang dé! Manga cengata ata ngancéng tombo taung agu aku, sanggéd cao-ca ata poli pandé daku. Cala hitup hi Kristus?”

TOMBO PÉTÉ GORI DE RASUL-RASUL 17:3

Tombo agu toi liha agu isé te Mésias hitu paka ta’ong susay agu mosé koléy oné mai ata mata, itu kali mai taé diha: “Ho’oy Mésias, ngong Mori Yésus ho’ot keréba laku oné méu.”

TOMBO PÉTÉ GORI DE RASUL-RASUL 9:22

Maik kérong di Saulus tambang mésén agu hia pandé bules nai de sanggéd ata Yahudi situt ka’éng oné Damsyik, ai hia téing tanda te Mori Yésus hitu Mésias.

YOHANÉS 20:31

maik sanggéd so’ot mangad poli tulisd kudut imbi le méu te Mori Yésus hitu hi Mesias, Anak de Mori Keraéng, agu landing imbis hitu, méu manga mosés oné ngasang Diha.

YOHANÉS 11:27

Mai taé di Marta: “Yo Mori, imbi laku, Ité hi Mésias, Anak de Mori Keraéng, ata mai oné lino ho’oy.”

YOHANÉS 4:42

mai taéd ngong inéwai hitu: “Imbig lami, maik toé landing taé de hau, ai poli dengé le rug ami Hia, agu pecing lami té Hia tu’ung Ata Selamak de lino.”

YOHANÉS 1:49

Mai taé di Natanaél kamping Hia: “Rabi, Ité Anak de Mori Keraéng, Ité Raja data Israél!”

YOHANÉS 1:41

Hi Andréas laring cain ngo cumang ka’én hi Simon, agu mai taén: “Ami poli cumang agu hi Mésias (ngong hi Kristus)”

MARKUS 8:29

Hia réi agu isé: “Maik co’o de méun, céik léng Aku ho’o?” Og kali walén li Pétrus: “Ité hi Mésias!”

1 YOHANÉS 5:1

Céing kaut ata imbi te Mori Yésus hitu hi Kristus, ata hitu loas oné-mai Mori Keraéngn. Céing ata momang Mori Keraéng, hia kolé momang isét loas oné-mai Mori Keraéngd.

TOMBO PÉTÉ GORI DE RASUL-RASUL 8:36

Isé lako rudas, dengkir cai oné ca osang ata manga waén. Mai taé de pegawé de raja hitu: “Lélo, nitu manga waé; manga kin do’ong latang te aku kudut cebong le waé serani?” [

LUKAS 22:67

mai taéd: “Émé hi Kristus hau, tombo damang agu ami.” Mai walé de Mori Yésus: “Alim po tombo Laku agu méu, léléng bom te imbis le méu.

MARKUS 14:61

Maik Hia hema kin, agu toé manga walé koé cekoén. Imam Mésé hitu réi cengkalin kolé agu Hia, taén: “Asa weli ga, hi Mesias Hau ko, Anak de Mori Ata Naring Laing?”

MATÉUS 22:42

“Co’oy nuk de méu latang te Mésias? Anak diong Hia?” Mai taé disé ngong Hia: “Anak di Daud.”

MATÉUS 5:47

Agu émé méu téing tabé agu asé-ka’ém kaut, apay weli ata dio-dolokn agu pandé data bana? Toé weli ata toé pecing Mori kolé pandé nenggitus?

MATÉUS 26:63

Landing Mori Yésus hema kéta kin. Maig taé de Imam Mésé hitu agu Hia: “Lé ngasang de Mori Keraéng, taé agu ami, co’o Hau, hi Mésias Anak de Mori Keraéng, ko toéh?”

LUKAS 9:19

Mai walé disé: “Hi Yohanés Cebong, manga kolé ata taé: hi Élias, manga kolé ata taé: cengata oné mai nabi situ médé ata poli to’on.”