LUKAS 9:16 - Bahasa Manggarai New Testament

¹⁶ Agu poli emid Liha roti situt lima agu ikang situt sua, Hia conga nggere-éta awangy, wan berkak, poli hitu pu’il roti situ, agu téing oné ata nungku Diha, kudut pati oné lawa do situ.

LUKAS 9:16 Referans Kwoze

MATÉUS 14:19

Itug kali jerad Liha ata do situ lonto lobo remang. Agu du poli emid Liha lima roti agu suad ikang situ, congay Mori Yésus nggeréta awang agu wan berkak, poli hitu pu’ild Liha roti situ agu téing oné ata nungkun, itus kali ata nungkun pati péar latang te ata do.

LUKAS 24:30

Du Hia rémé hang agu iséN, emi Liha roti, itu kali berkakN, poli hitu, pu’il agu téing isé.

MATÉUS 15:36

Poli hitu emis Liha roti pitu mongko agu ikang situ, ngaji wali di’a, pu’ils agu téing oné ata nungkun, mai ata nungkun gatang lawa do situ.

ROMA 14:6

Céing ata hitut petot kéta ca leso céwé mésén, pandé hitu diha latang te hiang Mori Keraéng. Céing ata hang apa kaut, pandé hitu liha te hiang agu te wali di’a oné Mori Keraéng. Céing ata woni, pandé hitu liha te hiang agu te wali di’a oné Mori Keraéng.

TOMBO PÉTÉ GORI DE RASUL-RASUL 27:35

Du poli tombo nenggitun, hia emi roti, wali di’a kamping Mori Keraéng wa ranga de sanggéd isé, pati-patis liha, itu kali pu’ung hangd.

YOHANÉS 6:23

Maik rémé nggitun, tuad pisa wangka bana ata mai oné mai Tibérias ruis baté hang roti disé du poli étan wali di’a le Mori Yésus.

YOHANÉS 6:11

Poli hitu, Mori Yésus emi roti situ, étan wali di’a, agu pati péar oné isét lonto nitu; nenggitu kolés ikang situ pati péars Liha latang te ata dos situ, poro ngoéngd.

LUKAS 22:19

Poli hitu Hia emi roti, étan ngaji wali di’a, pu’il agu téing oné isé, mai taé Diha: “Ho’o dé weki Daku, kudut téing latang te méuy; pandé ga ho’o te nuk Akum.”

1 KORINTUS 11:24

agu poli hitu étan wali di’a, pu’ils Liha agu mai taéN, “Ho’oy weki Daku ata téing latang te méu, pandé ho’o le méu te nuk Akum!”

1 KORINTUS 10:30

Émé aku wali di’a landing apa situt hang daku, co’o tara loérg aku lisé landing wali di’a daku nggere-oné Morin?

MARKUS 7:34

Rémé nggitun, cang agu conga nggere-éta awangn, Mori Yésus do’éng nai mésén agu curup oné hia: “Éfata!” ngong cengka ga!

LUKAS 9:15

Pandés lata nungkun, agu jera taung ata do situ lontos.

LUKAS 9:17

Agu sanggéd taung isé hang wiga becurd. Poli hitu, ligot taungs ropo roti situt récid, dod campulu sua rotod.