LUKAS 7:40 - Bahasa Manggarai New Testament

⁴⁰ Mai taé de Mori Yésus ngong hia: “Simon, Aku kudut manga curupg agu hau.” Mai walé di Simon: “Wan kali lité gé, Tuang Guru.”

LUKAS 7:40 Referans Kwoze

YOHANÉS 16:30

Ho’og pecingn lami, te Ité pecing sanggéd-ménan, agu te co’on ata réi oné Ité. Ali hitu tara imbin lami, te Ité mai éta mai Mori Keraéngd.”

YOHANÉS 16:19

Pecing le Mori Yésus, isé kudut manga réid agu Hia, maig taéN ngong isé: “Manga gejék cama taus, reweng hiot taé Daku bao: Téké cekoén kali ga, méu toé ita Akum, agu téké cekoén kali ga, méu te ita Akum?

YOHANÉS 13:13

Méu caro Aku Guru agu Mori, bo hitu lé’én, ai Guru agu Mori muingk Aku.

YOHANÉS 3:2

Hia mai le wiéy oné Mori Yésus, agu mai taén: “Rabi, baé lami, te Ité mai ného Guru ata wuat le Mori Keraéngt; ai toé kéta manga cengatan ata ngancéng pandé tanda lengét ného pandé Dité hitu, émé toé kempéng le Mori Keraéng.”

LUKAS 18:18

Manga cengata ata tu’a laingy, réi Mori Yésus, mai taén: “Tuang Guru ata di’a, apa kétay paka pandé laku te haéng mosé tédéng lén?”

LUKAS 6:8

Maik Hia pecing nuk disé, itu kali curupn ngong ata hitut mata limé wanangn: “To’oh ga, agu hesé oné réhah!” Itu kali hesén ata hitu.

LUKAS 5:31

Mai walé de Mori Yésus agu isé, taéN: “Toé ata weki di’a te kawé doktér, maik ata beti kali;

LUKAS 5:22

Maik Mori Yésus pecing nuk disé, maig taén ngong isé: “Apay ata nuk laing de méu oné nais?

MATÉUS 7:22

Du leso cemol dod ata taé agu Aku: Mori, Mori, toé weli ami hiot ba pedé le ngasang Ditékm, agu mbér jing da’at le ngasang Ditékm, agu pandé dod tanda lengét le ngasang Dité kolé?

MATÉUS 26:49

Agu hidi-hadan hia ngo cumang Mori Yésus agu mai taén: “Tabé o Tuang Guru.” Itu kali omon liha Hia.

LUKAS 7:39

Du ata Parisi hitut siro Mori Yésus, ita pandé de inéwai hitu, mai taén oné nain: “Damang émét nabi de Hia ho’o, pecing kéta muing Liha, céing péng, agu inéwai ata apa péng hitut omar Hia; pecing kéta Liha, te inéwai hitu, cengata ata ndékoky.”

LUKAS 7:41

Mai taé de Mori Yésus: “Manga sua taus ata manga raungd agu cengata ata pandé beka séngn. Hia cengata, raungn lima ratus dinard, hiat cengata kolé limampulud.