LUKAS 6:20 - Bahasa Manggarai New Testament

²⁰ Itu kali Mori Yésus lélo taung ata nungkun, agu mai taén: “Mosé di’am, oé méut lénggé, ai de méu morin Adak de Mori Keraéng.

LUKAS 6:20 Referans Kwoze

JAMES 2:5

Séngét koém, asé-ka’é ata momang laku! Mori Keraéng pilé ata siot rékéng lénggé le lino ho’o kudut ciri bora oné imbi. Isé kolé ciri ata tiba mbaté de Adak Surga ata poli rekén Liha latang sanggéd ata siot momang Hia.

2 KORINTUS 8:9

Ai poli pecing le méu, widang de Mori dité Yésus Kristus, koném po boran Hia, landing le méu Hia ciri lénggén, kudut méu ciri boram ali lénggé Diha.

LUKAS 12:32

Néka rantang dé méu, oé méut ce impung koé! Ai Emam henan kéta téing méu Perénta hitu.

MATÉUS 25:34

Agu mai curup de raja hitu agu isét oné racap wanang: Mai méu, oé ata berkak le Ema Daku, tiba ga osang ata poli ambin te méu; pu’ung mangan lino ho’o!”

WIDANG SI’ANG ONÉ HI YOHANÉS 2:9

Pecing laku susa agu lénggé de méu, maik bora kis méu. Pecing kolé laku sanggéd pocu latang te méu oné-mai isét caro weki rud ata Yahudi, kalim po toé. Ai isé situ ro’éng de jing da’ats.

2 KORINTUS 6:10

Koném po wéong kéta naigm, maik naka kigm. Koném po lénggég ami, maik ngancéng kin pandé bora ata do. Koném po ami toé manga hapegm, maik ami manga paéng do.

JAMES 1:12

Mosé di’a isét ta’ong oné damang. Ai émé hia meku kéta nain, hia te tiba lahén, ngong mosé hitut poli reké de Mori Keraéng oné sanggéd ata situt momang Hia.

2 TÉSALONIKA 1:5

Hitu tandan latang te agil beté-bicar de Mori Keraéng, ata pandé si’ang kudut naun te ciri ro’éng Adak Surga, méu ho’ot ta’ong susa landing Adak Surga hitu.

TÉSALONIKA 1:6

Agu méu lorong toming dami agu toming de Morin. Koném po méu ta’ong susa mésé, maik méu tiba Keréba Di’a hitu ali nisang nais. Nisang nai de méu hitu le widang de Nai Nggeluk.

2 KORINTUS 8:2

Rémé hena le damang mendo mésé oné sanggéd pa’it réa, nisang nai disé bimber kétay. Koném lénggé da’ats, maik isé bora oné gawas.

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

LUKAS 14:15

Dengé hitu, maig taé de cengata oné mai méka situ ngong Mori Yésus: “Delék kéta ata situt tibas oné Adak de Mori Keraéng.”

LUKAS 13:28

Nitu de ga, te manga jéjéng agu kérek ngis, lété ita le méu hi Abraham agu hi Ishak agu hi Yakup, agu sanggéd taung nabi, oné Adak de Mori Keraéngs, maik weki rus méu te péncar nggere-pé’angm.

LUKAS 4:18

“Nai de Mori Keraéng manga oné Akuy, ali Hia palas Akuy, kudut caing keréba di’a oné ata lénggé; agu Hia poli wuat Akun

MATÉUS 11:5

Ata buta ngancéng lélo, ata péko ngancéng lako, ata boké ciri helis wekin, ata nenteng ciri nilor, ata mata mosé kolé, agu oné isét lénggé ba keréba di’a.

LUKAS 16:25

Maik mai taé di Abraham: Anak, nuk kaut, bo hau poli itan taung di’a du mosém, maik hi Lazarus hanang ata da’atn. Ho’og hia delék lémbuy, agu hau séang da’ath.

MATÉUS 5:1

Woko itas ata do situ le Mori Yésus, itu kali ngon Hia nggeréta golo, lonto wa kaut Hia, caisg ata nungkun.