LUKAS 5:29 - Bahasa Manggarai New Testament

²⁹ Agu hi Léwi pandé ramé mésé te Hia oné mbarun, agu dod ata tegi béa, agu taung ata bana cama hang agu Hia kolés.

LUKAS 5:29 Referans Kwoze

LUKAS 15:1

Sanggéd isét tegi béa agu sanggéd ata ndékok, laséngd ngo oné Mori Yésus te séngét toing Diha.

1 KORINTUS 10:27

Émé siro méu te hang le cengata ata toé imbi, agu éng le méu siro hitu, hang kaut apa ata wédi diha, koném toé olong céca le méu alim po mendo kéta le nais.

YOHANÉS 12:2

Nitu pandé ramé te Hia, agu hi Marta ata wintukn, agu cengata ata cama hang agu Mori Yésus, hi Lazarus.

MARKUS 2:15

Poli hitu, du Mori Yésus hang oné mbaru diha hitu, do kétas ata tegi béa agu ata ndékok hang cama-cama agu Hias agu ata nungku Diha, ai do kéta ata lut Hia.

MATÉUS 9:10

Ného cepisan du Mori Yésus hang oné mbaru di Matéus, do kétas isét tegi béa agu ata ndékok agu hang cama-cama agu Hia agu ata nungkun.

MATÉUS 5:46

Émé méu momang ata siot momang méuy, apay di lahén latang te méu? Toé weli ata tegi béa kolé pandé nenggituy?

MATÉUS 9:9

Du poli ngo nitu main Mori Yésus, ita Liha cengata, ata ngasangn hi Matéus, lonto kin oné mbaru tegi béa, mai taéN ngong hia: “Lut Akuh.” Itu kali hesén hi Matéus agu lut Hiay.

MATÉUS 11:19

Poli hitu woko cai Anak Manusia, Hia hangy agu inungy, mai taé disé: Lélo damang, Hia ata gomeng agu ata langu, asé-ka’é data tegi béa, agu ata ndékok. Maik le nai ngalis de Mori Keraéng, helek de cengata lélo oné mai pandén.”